Joseph Kabila
| Joseph Kabila | |
 Joseph Kabila in 2016 | |
4de President van die Demokratiese Republiek die Kongo
| |
| Ampstermyn 17 Januarie 2001 – 24 Januarie 2019 | |
| Vise | Azarias Ruberwa Arthur Z'ahidi Ngoma Abdoulaye Yerodia Ndombasi Jean-Pierre Bemba |
|---|---|
| Eerste minister | Antoine Gizenga Adolphe Muzito Louis Alphonse Koyagialo (wnd.) Matata Ponyo Mapon Samy Badibanga Bruno Tshibala |
| Voorafgegaan deur | Laurent-Désiré Kabila |
| Opgevolg deur | Félix Tshisekedi |
Lewenslange senator
| |
| Ampsbekleër | |
| Termynaanvang 15 Maart 2019 | |
Persoonlike besonderhede
| |
| Gebore | Joseph Kabila Kabange 4 Junie 1971 Fizi, Congo-Léopoldville (nou Suid-Kivu, Demokratiese Republiek die Kongo) |
| Politieke party | Volksparty vir Heropbou en Demokrasie |
| Eggenoot/-note | Olive Lembe di Sita (huwelik in 2006) |
| Alma mater | Makerere-universiteit Universiteit van Johannesburg |
Militêre Diens
| |
| Lojaliteit |  Demokratiese Republiek die Kongo
|
| Diens/Tak | Gewapende Magte van die Demokratiese Republiek die Kongo |
| Rang | Generaal-majoor |
Joseph Kabila Kabange (Frans: [ʒozɛf kabila]; gebore op 4 Junie 1971) is 'n Kongolese politikus wat tussen Januarie 2001 en Januarie 2019 as president van die Demokratiese Republiek die Kongo gedien het. Hy het tien dae na die sluipmoord op sy vader, president Laurent-Désiré Kabila, die leisels oorgeneem. Hy is in 2006 tot president verkies en in 2011 vir 'n tweede termyn herkies. Sedert Kabila, as voormalige president, ná die verkiesing in 2018 uitgetree het, sal hy volgens die Grondwet van die DRK lewenslank 'n senator wees.
Kabila se termyn sou, volgens die bepalings van die grondwet wat in 2006 aanvaar is, op 20 Desember 2016 verstryk. Amptenare het voorgestel dat verkiesings in November 2016 gehou sou word, maar op 29 September 2016 het die land se verkiesingsowerheid aangekondig dat die verkiesing nie voor vroeg in 2018 sou plaasvind nie. Die gesprek het gefokus op die behoefte aan 'n sensus voordat verkiesings gehou kon word. In Augustus 2018 het Kabila aangekondig dat hy sal uittree en nie herverkiesbaar is in die algemene verkiesing in Desember 2018 nie.
In Oktober 2021 het Joseph Kabila sy proefskrif aan die Universiteit van Johannesburg ingedien. ’n Meestersgraad in politieke wetenskap en internasionale betrekkinge is aan die einde van sy studies wat vyf jaar geduur het, aan hom toegeken.
Terwyl hy aan bewind was, het Joseph Kabila voortdurend met oorloë in die ooste van die Kongo en interne rebellemagte, ondersteun deur die buurregerings van Uganda en Rwanda, te kampe gehad.
Eksterne skakels
[wysig | wysig bron]
Wikimedia Commons het meer media in die kategorie Joseph Kabila.
Normdata  |
|
|---|