Kanaloa
| Kanaloa | ||
| Soort god | Hawais | |
| God van | die onderwêreld | |
| Simbool | Pylinkvis, seekat | |
Kanaloa is in die Hawaise godsdiens een van die hoofgode. Die ander drie is Ku, Kāne en Lono. Kanaloa is 'n manlike god en sy simbole is 'n pylinkvis en seekat. Hy word gewoonlik met Kāne verbind.[1] Dit is ook 'n alternatiewe naam vir die eiland Kahoʻolawe.
Beskrywing[wysig | wysig bron]
In legendes en liedjies word Kāne en Kanaloa uitgebeeld as komplementêre kragte.[2] Waar Kāne byvoorbeeld aangeroep word tydens die bou van 'n kano, word Kanaloa aangeroep terwyl die kano op die water vaar. Net so regeer Kāne die noordelike hoek van die sonnebaan en Kanaloa die suidelike hoek; Kanaloa is "die onderbewuste van Kāne se bewuste".[3] Op dié manier verteenwoordig hulle 'n goddelike dualiteit van wilde en temmende kragte, soos die jin en jang van Taoïsme.
Kanaloa word ook tradisioneel uitgebeeld as 'n seegod, vandaar sy verbintenis met seemanskap en Koppotiges.[4] Verder word hy beskou as 'n god van die onderwêreld en 'n onderwyser van magie. Volgens legendes het hy die leier geword van die eerste groep geeste wat deur die gode "uitgespoeg" is. Ná 'n tyd het hy hulle aangevoer in 'n rebellie, waarin die geeste deur die gode verslaan is en as straf na die onderwêreld verban is.
Sien ook[wysig | wysig bron]
Verwysings[wysig | wysig bron]
- ↑ "Gale eBooks - Document - Hawaiian Religion". go.gale.com. Besoek op 17 Junie 2020.
- ↑ Beckwith, Martha W. (1 Junie 1982). Hawaiian Mythology (3de uitg.). Honolulu, Hawaii, United States of America: University of Hawaii Press. ISBN 9780824805142.
- ↑ Au, Jane (Desember 2018). He Hulikoʻa Kanaloa - Seeking The Depths of Kanaloa (PDF). University of Hawaiʻi at Mānoa. pp. 74–75. Geargiveer vanaf die oorspronklike (PDF) op 12 Augustus 2021. Besoek op 26 April 2022.
{{cite book}}: Onbekende parameter|degree=geïgnoreer (hulp) - ↑ Beckwith
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
