Kenneth McArthur
Kennedy Kane McArthur (10 Februarie 1881, Dervock - 13 Junie 1960, Potchefstroom) was 'n maratonatleet wat die goue medalje op 14 Julie 1912 tydens die Olimpiese Spele in Swede gewen het.
Persoonlike lewe
[wysig | wysig bron]McArthur is in Dervock, Noord-Ierland gebore. Hy het in 1901 tydens die Tweede Vryheidsoorlog na Suid-Afrika geëmigreer, en by genl.-maj. Robert Baden-Powell se Suid-Afrikaanse Polisiemag (SAC) aangesluit. Hy doen eers diens by Lindequesdrift, die Vaalrivier, by Kraalkop en later by Bank naby Carletonville. Hy werk ten einde laaste in Potchefstroom.
Hy ontmoet Johanna Jacoba Christina (Joey) Louw in Potchefstroom. Sy was in die konsentrasiekamp by Klerksdorp en slegs veertien jaar oud aan die einde van die oorlog. Hulle is eers in 1921 getroud.
Maratonloopbaan
[wysig | wysig bron]McArthur wen sy eerste maraton oor 57 km tussen Klerksdorp en Potchefstroom in 1904. Hy neem ook aan veldwedlope deel en onder meer die Johannesburg-Krugersdorp wedloop, die Wanderers-maraton, die Suid-Afrikaanse maraton in 1908 en ook die Argus-maraton in 1910. Hy het al hierdie maratons gewen.
Bron
[wysig | wysig bron]- Van polisieman tot kampioen, Beeld, 12 Julie 2012.
Normdata  |
|
|---|