Kigali Internasionale Lughawe

in Wikipedia, die vrye ensiklopedie
Kigali Internasionale Lughawe
IATA: KGLICAO: HRYR
Opsomming
Tipe lughawe Siviele lughawe
Operateur Rwanda Airports Authority
Bedien Kigali
Ligging Kigali, Rwanda
Spil vir RwandAir
Hoogte bo seevlak 4 891 vt / 1 491 m
Koördinate 01°57′59″S 030°07′59″E / 1.96639°S 30.13306°O / -1.96639; 30.13306Koördinate: 01°57′59″S 030°07′59″E / 1.96639°S 30.13306°O / -1.96639; 30.13306
Landkaart
KGL is in Rwanda
KGL
KGL

Ligging in Rwanda

Aanloopbane
Rigting Lengte Oppervlak
vt m
10/28 11 482 3 500 Geplavei
Statistieke (2016)
Passasiers 710 000[1]

Kigali Internasionale Lughawe (IATA: KGL, ICAO: HRYR), voorheen bekend as Kanombe Internasionale Lughawe, is die primêre lughawe wat Kigali, die hoofstad van Rwanda bedien. Tans is daar 'n projek aan die gang om nog 'n mega-lughawe in die Bugesera-distrik, Oostelike Provinsie te bou, wat die grootste en die belangrikste lugpoort vir alle bestemmings in die land sal wees, benewens vir diens as 'n transito-lughawe vir Goma en Bukavu in die oostelike Demokratiese Republiek die Kongo.

Mil Mi-17 Rwanda-lugmag - Darfoer-ondersteuning, US Army Africa, Kigali, Rwanda

Ligging[wysig | wysig bron]

Die lughawe is geleë in die voorstad Kanombe Sector, aan die oostelike rand van Kigali, ongeveer 5 kilometer per pad, oos van die sentrale sakegebied van die stad Kigali.[2]

Geskiedenis[wysig | wysig bron]

Tydens die Rwandese Burgeroorlog was Kigali-lughawe 'n belangrike strategiese punt. Aangesien Rwanda 'n landingeslote nasie is, was dit die enigste maklike manier in en uit die land. Die lughawe het twee aanloopbane gehad, maar ná die Arusha-ooreenkomste is een aanloopbaan gesluit ná 'n versoek van die Rwandese Patriotiese Front (RPF). Later in April 1994 is president Habyarimana se vliegtuig afgeskiet. Dit word betwis of die RPF of die Rwandese Weermag (FAR) die vliegtuig neergeskiet het. Hierdie gebeurtenis het 'n hernuwing van die burgeroorlog en die begin van die Rwandese volksmoord veroorsaak.

Passasiersverkeer[wysig | wysig bron]

In 2008 het die lughawe 145 189 passasiers bedien, en ongeveer 290 000 passasiers in 2010. [3] In Mei 2011 het die Rwanda Burgerlugvaartowerheid aangekondig dat Kigali-lughawe opgegradeer sal word om aan die sterk vraag te voldoen. [4] In 2012 toon data van Rwanda Burgerlugvaartowerheid dat passasiersverkeer deur Kigali Internasionale Lughawe met 30 persent gegroei het tot 488 903 verlede jaar, vanaf 377 327 in 2011. [5] Die lughawe het meer as 300 vlugte per week hanteer. Die lughawe is ontwerp om 400 000 passasiers per jaar te hanteer. Internasionale en binnelandse passasiersgetalle was byna 600 000 in 2013, terwyl daar ongeveer 400 weeklikse vlugte was. Internasionale en binnelandse passasiersgetalle was altesaam 710 000 in 2016.

Rwandair Express-vliegtuig by Kigali-lughawe

Nuwe Kigali (Bugesera) Internasionale Lughawe[wysig | wysig bron]

Daar is planne om die huidige lughawe te vervang met 'n nuwe een wat suid van Kigali aan die suidekant van die Nyabarongo-rivier in Bugesera geleë is. ’n Nuwe lughaweligging is nodig aangesien die bestaande lughawe nie ruimte het vir opgraderings soos bykomende aanloopbane en ander fasiliteite nie. Die nuwe lughawe sal een aanloopbaan hê, met voorsiening vir 'n tweede een wat later bygevoeg sal word. Konstruksie-aktiwiteite vir hierdie lughawe het in 2017 begin en word beplan om in 2022 voltooi te wees.

In Desember 2019 het Katar se staatsbeheerde lugredery, Qatar Airways, met die Rwanda-ontwikkelingsraad saamgewerk om 'n 60%-belang in die Bugesera Internasionale Lughawe te koop. Claver Gatete, minister van infrastruktuur, het gesê: “Ons soek 'n groter lughawe. Daarom soek ons ’n groter belegger.”[6]

Verwysings[wysig | wysig bron]

  1. Julien Clémençot (23 Junie 2017). "Aéroports : l'Afrique prend de l'altitude". Jeune Afrique. Geargiveer vanaf die oorspronklike op 27 Junie 2017. Besoek op 27 Junie 2017.
  2. "Road Distance Between Kigali And Kanombe With Map". Distancecalculator.globefeed.com. Geargiveer vanaf die oorspronklike op 14 Augustus 2011. Besoek op 9 Desember 2010.
  3. "Four years ago, Kigali International Airport (KIA) used to handle 40–60 take-offs a week, with about 270,000 travelers a year using the airport". Hope-mag.com. 7 Maart 2013. Geargiveer vanaf die oorspronklike op 10 Junie 2013.
  4. Majyambere, Gertrude (13 Mei 2011). "Rwanda: Kigali International Airport to Get Rwf8 Billion Facelift". Geargiveer vanaf die oorspronklike op 19 Oktober 2012. Besoek op 31 Mei 2017 – via AllAfrica.
  5. "New Rwanda airport ready for take-off". Theeastafrican.co.ke. 19 Februarie 2014. Geargiveer vanaf die oorspronklike op 19 Mei 2013. Besoek op 23 Mei 2013.
  6. "Qatar Airways to buy new Rwandan international airport". Al Jazeera. Besoek op 10 Desember 2019.


Hierdie artikel is in sy geheel of gedeeltelik vanuit die Engelse Wikipedia vertaal.