Koelitsj

Koelitsj
Soort gereg	Brood
Gang	Voor ontbyt
Land	Oosters-Ortodokse lande
Hoofbestanddeel	Suurdeeg
Soortgelyke geregte	Paasbrood

'n Baboesjka met koelitsj en kleurryke Paaseiers in Stawropol-krai, Rusland.

Koelitsj (Russies: кули́ч, van die antieke Griekse κόλλῑξ, kóllīx, "growwe broodrol") is die Russiese naam vir Paasbrood. Die Oos-Slawiërs se feesbrood was rond en hoog, met deegversierings bo-op. Die silindriese vorm van die brood word verbind met die kerkpraktyk van suurdeegbrood.

Die brood word gewoonlik genuttig in lande wat met die Bisantynse Ryk verbind word en is 'n tradisie in kulture met 'n Oosters-Ortodokse bevolking, soos Rusland, Belarus, Oekraïne, Roemenië, Georgië, Moldowa, Noord-Masedonië en Serwië. Koelitsj verteenwoordig nie net Paasfees nie, maar ook die lente.

Bereiding

Voor die Paasdiens word koelitsj tradisioneel in 'n mandjie geplaas en met kleurryke blomme versier. Ná die diens word dit deur die priester geseën. Geseënde koelitsj word elke dag voor ontbyt geëet. Enige orige koelitsj wat nie geseën is nie, word tydens die Paasfees as poeding geëet.

Koelitsj word in lang, silindriese blikke (soos koffie- of vrugtesapblikke) gebak. Wanneer dit gaar is, word dit met wit versiersuiker en kleurryke blomme versier.

Koelitsj word net tussen die Paasfees en Pinkster geëet.

Galery

• 

  Russiese koelitsj sonder versiersuiker.

• 

  'n Priester (tweede van regs) seën kos, isnluitende koelitsj, eiers en wyn.

• 

  Koelitsj in kleurryke bakkies.

Skakels

• Resepte vir koelitsj (in Russies, met foto's)

• Wikimedia Commons het meer media in die kategorie Koelitsj.

• Hierdie artikel is in sy geheel of gedeeltelik uit die Engelse Wikipedia vertaal.