Kondensasiespore

Kondensasiespore (ook vliegtuigstrepe of dampstrepe genoem) is wolk-agtige spore van waterdamp of yskristalle wat deur vliegtuie in die atmosfeer gevorm word. Die uitlaatgasse van vliegtuigenjins produseer waterdamp en koolstofdioksied. Hierdie waterdamp kondenseer (verander van 'n gas na vastestof), aangesien die temperatuur op hoë hoogtes heelwat laer is. Dit word ook soms op vliegtuie se vlerkpunte waargeneem, as gevolg van die verandering in lugdruk soos lug oor die vliegtuig se vlerke vloei.

Kondensasiespore kan ure lank in die lug bly hang en oor groot gebiede uitsprei. Baie mense dink kondensasiespore is besoedeling wat deur vliegtuie se rook en uitlaatgasse veroorsaak word. Die spore wat waargeneem word is egter slegs gekondenseerde waterdamp.

Soos lugverkeer toeneem, word kondensasiespore al meer algemeen. Dit het 'n groot invloed op die atmosferiese temperatuur.^[1] Gedurende die dag weerkaats hierdie kondensasiespore inkomende sonlig, wat ’n algehele verkoeling van die atmosfeer veroorsaak. Snags word hitte egter onder die kondensasiespore vasgevang.^[2]

Sien ook

Chemspoor-samesweringsteorie

Verwysings

↑ Vuil lug dalk bedekte seën Geargiveer 4 Oktober 2015 op Wayback Machine, Rapport, 13 Augustus 2006
↑ Vliegtuie se dampe 'laat aarde warmer word', Rapport, 2 Mei 2004

Eksterne skakels

Wikimedia Commons het meer media in die kategorie Kondensasiespore.

[1] Vuil lug dalk bedekte seën Geargiveer 4 Oktober 2015 op Wayback Machine, Rapport, 13 Augustus 2006

[2] Vliegtuie se dampe 'laat aarde warmer word', Rapport, 2 Mei 2004

[1]

[2]