Korikiaanse nimfe

in Wikipedia, die vrye ensiklopedie

Die Korikiaanse nimfe was in die Griekse mitologie drie Naiade-nimfe van die heilige fonteine van die Korikiaanse Grot van Berg Parnassos in Phokis. Hulle name was Korikia, Kleodora en Melaina; hulle pa was óf Kephisos óf Pleistos.

Korikia was die suster na wie die grot genoem is. Sy was die moeder van Lycoreus by Apollo. Kleodora is deur Poseidon bemin: By hom (of Kleopompos) was sy die ma van Parnassos, wat die stad Parnassos gestig het. Melaina het by Apollo die seun Delphos gehad. Haar naam beteken "die swarte", wat impliseer dat sy aan die hoof was van nimfe van die onderwêreld.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Corycian