Kosmos (satelliet)

in Wikipedia, die vrye ensiklopedie

Kosmos (Russies: Ко́смос) is ’n naam wat gegee is aan ’n groot aantal satelliete deur die Sowjetunie en daarna Rusland. Die satelliete is nie deel van ’n spesifieke program nie, maar bestaan uit feitlik alle Russiese en Sowjet-satelliete waarmee fout gegaan het tydens of net ná die lansering, maar wat steeds in ’n wentelbaan geplaas is. Dit sluit militêre en wetenskaplike satelliete in.

Die naam word gegee aan satelliete wat in ’n laer wentelbaan om die aarde is, dus onder 2 000 km van die aardoppervlak. Tot in September 2010 is 2 468 Kosmos-satelliete gelanseer.

Die eerste satelliet met die naam, Kosmos 1, ook bekend as Spoetnik 11, is op 16 Maart 1962 gelanseer. Dit was die eerste satelliet van die Sowjetunie se Aardesatelliet-reeks.

Hierdie artikel is vertaal vanuit die Engelse Wikipedia