Kya Rosa

in Wikipedia, die vrye ensiklopedie
Jump to navigation Jump to search
Kya Rosa langs die hoofingang van die Universiteit van Pretoria se Hatfieldkampus.
Die blou gedenkplaat van Kya Rosa

Hierdie laat-Victoriaanse huis by die hoofingang van die Universiteit van Pretoria het ’n kleurvolle geskiedenis. Die oorspronklike huis is in 1895 in Skinnerstraat gebou en het aan Leo Weinthal, eienaar van The Press (die voorloper van die Pretoria News) behoort. Die huis is na sy vrou, Rosa, vernoem en die woord ‘Kya’ is die isiZoeloe vir ‘huis’. Dit was later die eerste gebou van die destydse Transvaal Universiteitskollege (TUK) – die voorloper van die Universiteit van Pretoria – maar teen 1915 was dit nie meer in gebruik nie. In 1980 het die Universiteit opdrag gegee dat ’n replika van die huis opgerig word waar dit vandag staan – by die Roperstraat-ingang na die Universiteit. Konstruksiewerk het in 1983 begin, onder leiding van die argitek Albrecht Holm, ’n alumnus van UP. Noukeurige afmetings is van die oorspronklike huis geneem en ou foto’s is nagegaan om te verseker dat die eindproduk so na as moontlik aan die oorspronklike lyk. Verskeie van die oorspronklike Victoriaanse toebehore is in die rekonstruksie gebruik. Kya Rosa huisves tans TuksAlumni, die Alumni kantoor en ’n klein konferensie- en vermaaklikheidsentrum. Die huis is op 25 Oktober 1985 amptelik deur dr Anton Rupert geopen.[1]

Verwysings[wysig | wysig bron]

Koördinate: 25°45′22″S 28°13′50″O / 25.75611°S 28.23056°O / -25.75611; 28.23056