La Paz

in Wikipedia, die vrye ensiklopedie
Spring na: navigasie, soek

La Paz
La Paz-center.jpg

Kaart Wapen
Bl-map.png
Escudodearmaslapaz.gif
Vlag
Bandera de La Paz.svg
 Land Flag of Bolivia.svg Bolivië
 Departamento Flag of lapaz.svg La Paz
 Provinsie Pedro Domingo Murillo
 Koördinate 16°29′S 68°8′W
 Stigting 20 Oktober 1548
 Oppervlakte:  
 - Totaal 470 vk km
 Hoogte bo seevlak 3 600 m
 Bevolking:  
 - Totaal (2006) 1 872 480
 - Bevolkingsdigtheid 6 275/vk km
 Tydsone UTC -4
 Burgemeester Juan del Granado
 Amptelike Webwerf Gobierno Municipal

La Paz [la 'pas] (Spaans: La Paz de Ayacucho, Aymara: Chukiagu) is die regeringsetel van Bolivië en die hoofstad van die departamento La Paz (die amptelike Boliviaanse hoofstad is nog steeds Sucre). La Paz lê teen die noordwestelike hang van die Cordillera Real-bergreeks, sowat 3 600 tot 3 700 meter bo seevlak, in die onvrugbare riviervallei van die Río Choqueyapu (Río de la Paz). Die stadsgebied word deur die sneeubedekte bergspits Illimani (6 882 meter) oorheers.

La Paz is amptelik op 20 Oktober 1548 deur die Spanjaarde gestig en het destyds 'n ou Inka-stad vervang. Die huidige La Paz is 'n moderne metropool met 'n bevolking van meer as 1,8 miljoen in die metropolitaanse gebied en dien as die kulturele, nywerheids-, handel- en opvoedkundige sentrum van Bolivia. La Paz beskik oor 'n aantal universiteite waarvan die oudste in 1674 gestig is, en 'n aantal wetenskaplike en kulturele instellings.