Laguna Beach
|
Laguna Beach |
|
|---|---|
| Ligging in Kalifornië | Wapen |
 |
|
 |
|
| Orange County | |
 |
|
| Land |  Verenigde State |
| Deelstaat |  Kalifornië |
| County | Orange County |
| Koördinate | 33°32′N 117°46′W / 33.533°N 117.767°W |
| Stigting | 1887 |
| Geïnkorporeer op | 29 Junie 1927 |
| Oppervlakte: | |
| - Totaal | 25,2 vk km |
| Hoogte bo seevlak | 6 m |
| Bevolking: | |
| - Totaal (Sensus 2010) | 22 723 |
| - Bevolkingsdigtheid | 890/vk km |
| Tydsone | PST (UTC -8) Somertyd: PDT (UTC -7) |
| Klimaat | |
| - Tipe | Subtropiese klimaat |
| - Gemiddelde jaarlikse temperatuur | 16,6 °C |
| - Gem. temp. Januarie/Julie | 7-19 / 15-25 °C |
| - Gemiddelde jaarlikse neerslae | 344 mm |
| Burgemeester | Toni Iseman |
| Amptelike Webwerf | Laguna Beach |
Laguna Beach is 'n klein strandstad en kunstenaarskolonie in die suide van Orange County, Kalifornië, Verenigde State, sowat 31 kilometer suid-wes van Santa Ana, die administratiewe setel van Orange County.
Die stad het sy oorsprong in 'n Mormoonse nedersetting wat in die 1870's aan die Stille Oseaankus gestig is. Die natuurskoon van die omgewing met lang sandstrande, canyons en 'n heuwelreeks wat langs die kus loop het van Laguna Beach al in die vroeë 20ste eeu 'n gewilde toeristebestemming en 'n trekpleister vir Kaliforniese landskapskilders gemaak.
Vandag lok Laguna Beach, een van die welvarendste nedersettings in die deelstaat, jaarliks drie miljoen besoekers. Sy klein winkelbuurt, wandellane en openbare vervoerstelsel met trems maak van die stad 'n unieke paradys vir voetgangers in Suid-Kalifornië. Danksy die Pageant of the Masters-kunsfees, wat jaarliks in die somer plaasvind, en die Laguna-kunsmuseum, wat hom op Kaliforniese kuns toespits, is Laguna Beach steeds 'n stad van kuns.
