Larry (kat)

in Wikipedia, die vrye ensiklopedie
Jump to navigation Jump to search
Larry
Larry (kat)

Hoofmuisvanger van die Kabinetskantoor
saam met Freya (2012–2014)
Ampsbekleër
Termynaanvang
15 Februarie 2011
Eerste minister David Cameron (2010–2016)
Theresa May (2016–hede)
Voorafgegaan deur Sybil

Persoonlike besonderhede
Gebore Januarie 2007
Toekennings Blou gedenkplaat by Battersea se honde- en kattehuis, 2012

Larry is die kat van Downingstraat 10 en hoofmuisvanger van die Kabinetskantoor. Larry is 'n bont bruin en wit kat, wat glo op 3 Januarie 2007 gebore is. Teen Julie 2016, toe Theresa May Eerste Minister geword het, het Larry reeds 'n reputasie as "geweldadig"  in sy interaksie met ander plaaslike muisvangers, opgebou. Een van die ander katte in die omgewing is die veel jonger Palmerston, die kat van die Kantoor van Buitelandse Sake.[1]

Amptelike pligte[wysig | wysig bron]

Die Downingstraatwebwerf beskryf Larry se pligte as "die verwelkoming van gaste by die huis, inspeksie van veiligheidsbeskerming en die uittoets van antieke meubels vir slaapgehalte". Daar word ook grappenderwys genoem dat Larry "'n oplossing vir die muisbesetting van die huis oorweeg" en dat hy aan Downingstraat gesê het dat so 'n oplossing nog in die "taktiese beplanningsfase" is.[2]

Eerste jaar in Downingstraat[wysig | wysig bron]

Downingstraat 10, Larry se amptelike woon- en werksplek 

Larry is 'n rondloperkat wat by die Battersea Honde- en Kattehuis 'n skuiling gevind het. Die personeel van Downingstraat het hom daar gaan uitkies.[3] Hy het die vorige Downingstraatkat, Sybil, wat in 2009 dood is, vervang. Die media het oor die moontlikheid van 'n nuwe kat vir Downingstraat begin spekuleer, nadat rotte by twee geleenthede agter televisienuusverslaggewers se direkte uitsendings waargeneem is. 'n Downingstraat "pro-katfaksie" het blykbaar die argument gewen. Die kat was ook bedoel as 'n troeteldier vir die kinders van David en Samantha Cameron.[4] Nadat hy by Downingstraat ingetrek het, het Larry, terwyl daar van hom verwag was om vir 'n nuusitem te poseer, die ITV nuusverslaggewer Lucy Manning 'n veeghou gegee.[5]

Hy word deur bronne in Downingstraat as 'n "goeie rottevanger" beskryf en dat hy "'n goeie jaag- en jaginstink" het.[6] Kort nadat hy by Downingstraat aangekom het, is daar in 'n persberig beweer dat Larry 'n kat is wat weggeraak het, en dat sy oorspronklike eienaar met 'n veldtog begin het om hom terug te kry.[7][8] Dit het egter later aan die lig gekom dat die berig 'n poets is, en dat geen sodanige eienaar of veldtog bestaan nie. [9] Volgens David Cameron is Larry 'n "bietjie senuweeagtig" in die geselskap van mans, en hy het bespiegel dat aangesien Larry 'n kat is wat gered is, dit die gevolg mag wees van negatiewe ervarings uit sy verlede. Cameron het egter genoem dat die Amerikaanse President Barack Obama oënskynlik 'n uitsondering is met betrekking tot hierdie vrees. Volgens Cameron het Larry "snaaks genoeg van Obama gehou. Obama het hom gestreel en hy het hom dit laat welgeval."[10] In teenstelling met sy voorgangers sedert 1929, word Larry se versorging nie deur die belastingbetaler befonds nie, maar deur die personeel van Downingstraat 10.[11] Fondsinsamelingspogings om vir sy kos te betaal het blykbaar 'n vasvrae-aand vir Downingstraatpersoneel, wat in die staatskantore gehou is, ingesluit.[12] Larry se wedervaringe en waarnemings oor sy lewe by Nommer 10 het die onderwerp van 'n weeklikse spotprent in The Sunday Express, geteken deur die spotprenttekenaar Ted Harrison, geword.

Teen die einde van Februarie 2011 is daar berig dat anonieme bronne negatiewe inligting oor Larry versprei het deur te beweer: "dat hy 'n duidelike gebrek aan 'n doodmaakinstink toon."[13] 'n Senior Downingstraatwoordvoerder het egter gesê dat dit te vroeg is om 'n oordeel te fel, en dat Larry het nog nie na sy belangrikste werksarea geneem is nie, ingeval hy dalk wegloop.[13] Op 22 April 2011 het Larry uiteindelik sy eerste muis gevang en doodgemaak.[14]

Op 9 September 2011, is Larry raakgesien toe hy 'n veeg na 'n muis, met die naam "Mandy", gegee het, wat toe onder 'n bos ontsnap het.[15] Op 14 November 2011 het dit aan die lig gekom dat Larry meer tyd aan slaap en die opsoek van die geselskap van 'n wyfiekat, Maisie,[16] as werklike jag van muise, bestee. Dit het geblyk dat die Eerste Minister tydens 'n Kabinetsete maar self 'n vurk na 'n muis moes gooi.[16] Toe hy gevra is of Larry moet bedank, het die Eerste Minister se woordvoerder gesê dat "Larry baie plesier vir baie mense gee".[17]

Op 16 November 2011 het Larry verdere omstredenheid veroorsaak deur vir verskeie ure te slaap terwyl die hele Kabinet vir 'n vergadering by Downingstraat in-en-uitgesluip het.[16] Larry se oënskynlike luiheid is daarna positief vergelyk met sy mededinger Freya se entoesiasme vir top geheime plekke, soos die opdragsentrum tydens 'n militêre oefening, wat tot, waarskynlik tong-in-die-kies, bewerings van "lafhartige buitelandse spioenasie" gelei het.[18] Op 27 November 2011 is daar berig dat Larry uit die Eerste Minister se kwartiere in Downingstraat 10 verban is omdat sy hare die Eerste Minister se skoon pakke ruïneer.[5]

Tweede jaar in Downingstraat[wysig | wysig bron]

Op 15 Februarie 2012 is 'n partytjie tot Larry se eer, om sy eerste jaar in die Hoofmuisvangerskantoor te vier, gehou.[19] Hy het die harte van die Britse publiek gewen, en mediaspanne het dikwels buite die voordeur gekamp. Op hul beurt stuur die volk elke dag vir hom geskenke en lekkernye."[20] Op dieselfde tyd as Larry se eerste herdenking, het die Battersea Honde- en Kattehuis aangekondig dat Larry se gewildheid daartoe bygedra het dat 15% meer mense katte aangeneem het.[21]

Op 24 April 2012 was Larry weer in die nuus as gevolg van sy mannewales terwyl hy gewag het om by Downingstraat 10 ingelaat te word,[22] en gedurende die somer het die koerante by meer as een geleentheid foto's van waar hy lê en slaap gepubliseer.[23][24] Larry het hom heelhartig in die feesvierings van Elizabeth II se Diamantherdenkingsjaar gegooi,[25] en het veral baie belang gestel in die vlaggies wat gebruik is om Downingstraat 10 te versier. Op 24 Junie is George Osborne herenig met sy lank verlore kat Freya,[26][27] wat by Downingstraat 11 ingetrek het. Volgens berigte het Freya en Larry gou 'n hartlike verhouding opgebou.[26]

Op 28 Augustus 2012 het Larry sy eerste muis in die openbaar doodgemaak; hy het die dooie muis op die grasperk voor nommer 10 neergegooi.[28] Tydens die September 2012 kabinetskommeling is berig dat Larry sy posisie as Hoofmuisvanger van die Kabinetskantoor behou het.[29] Die grasie was egter van korte duur omdat daar berig is dat Larry afgedank is en deur Freya vervang is.[30] Ten spyte daarvan het Larry op 26 September by die ingang van Downingstraat 10 teen die herfsstorms skuiling gesoek.[31]

Die konfrontasie met Freya oor die gesogte posisie as Hoofmuisvanger het in Oktober tot 'n uitbarsting gekom toe die twee katte in 'n gewelddadige stryd, wat deur die polisie opgebreek moes word, betrokke was.[32] Daar is berig dat Freya die meer dominante kat en meer effektiewe Muisvanger is omdat haar lewe as 'n rondloperkat haar gehard gemaak het.[33] Die Eerste Minister se woordvoerder het egter volgehou dat die twee katte wel daartoe in staat is om "saam te leef".[34]

Derde jaar in Downingstraat[wysig | wysig bron]

Op 15 Februarie 2013 is Larry se verjaarsdag gevier. Daar is ook aangekondig dat Larry die  Londense Dieretuin se Sumatraanse tierbewaringsveldtog ondersteun, met foto's van Larry saam met 'n speelgoed tier en 'n verjaarsdagkaartjie van die Londense Dieretuin.[35] 'n Week later is 'n katbestande versperring opgerig om te verhoed dat Larry en buurkat Freya uit die Kantoor van Buitelandse Sake ontsnap;[36] openbare druk het William Hague egter gedwing om die versperring te verwyder.[36]

In Junie 2013 is berig dat Larry dit oorweeg om homself as burgemeesterskandidaat vir Londen beskikbaar te stel.[37] In Julie 2013 het Larry in die strate rondgesluip, en omdat hy huiwerig was om saam met David Cameron by Downingstraat 10 in te gaan, moes hy binnegelok word.[38]

In September 2013 het die spanning tussen Cameron en Larry na bewering opgebou.[39] Daar is berig dat Cameron beswaar gemaak het teen kathare op sy pak, en dat die reuk van katkos met lugverfrisser verbloem moes word wanneer daar besoekers by Downingstraat gekom het. Daar is beweer dat die Camerons nie van Larry hou nie, en dat die kat bloot gebruik is om openbare betrekkings 'n hupstoot te gee. Cameron het op Twitter getweet dat hy en Larry "purr-fectly" goed oor die weg kom.[39] Die beroepswedders Ladbrokes het Cameron as die gunsteling beskou om Downingstraat eerste te verlaat, met 'n wenkans van (1/2), terwyl Larry op 'n wenkans van 6/4 as die buitestaander beskou is. Teen Oktober 2013 is daar berig dat die regering se beeldpoetsers 'n veldtog teen Larry voer, en dat Larry in werklikheid binne twee weke vier muise gevang het, en dat een van die personeellede 'n muis uit Larry se kloue gered het.[40]

Vierde jaar in Downingstraat[wysig | wysig bron]

Op 15 Februarie 2014 is Larry se verjaarsdag gevier. Daar is aangekondig dat buurman George Osborne, in 'n nuwe magsstryd in Downingstraat, 'n troetelhond, Lola, gekry het. Personeel het aangekondig dat Lola goed met Larry en Freya oor die weg kom, maar standpunt teen Larry ingeneem deur sê dat Freya "net 'n bietjie meer doeltreffend as Larry is wanneer dit by muisvang kom".[41] In Maart 2014 moes die Eerste Minister 'n noodvergadering oor die Oekraïnekrisis bywoon; gevolglik het Larry sy plek volgestaan en as gasheer vir die KM Groep se redaksionele vakleerling Dan Wright in Downingstraat opgetree.[42] Daar is ook berig dat Larry in gereelde gevegte met Freya betrokke was. Na Larry se vorige sukses as gasheer, is hy die taak opgelê om teenstanders van Lincolnshire se Distriksraad  se besluit om die biblioteekdiens op te hef, te verwelkom.[43]

In Mei 2014 het Larry voortgegaan om verantwoordelikheid vir die onthaal van gaste te neem. Dit het geblyk dat Larry 'n gewilder gasheer as David Cameron was toe 'n groep van King's School van Mannamead besoek afgelê het.[44] Later in Mei is daar berig dat Larry homself weer as die top kat van Downingstraat gevestig. Hy het Freya gedwing om tydelik te vlug en haar by die geledere van die haweloses aan te sluit.[45] Freya is die volgende dag deur 'n personeellid van Osborne deur 'n chauffeur huistoe gebring, met die versoek aan die Kanselier om nie verder dienste aan haweloses te besnoei nie.[46] Tydens die kabinetskommeling van Julie 2014 het Larry sy posisie as Hoofmuisvanger behou.[47] Later daardie week is Larry afgeneem waar hy, tydens 'n hittegolf, in die son lê en onstpan.[48] Die Downingstraat wrywing tussen Larry en Freya het in Augustus kookpunt bereik: nadat Freya deur 'n motor getref en beseer is, is gerapporteer dat Larry "nie gepla gelyk het nie".[49] In November 2014 is Freya permanent uit Downingstraat verban, wat Larry met die uitsluitlike muisvangverantwoordelikheid gelaat het. [50] In Desember 2014 het Larry gasheer gespeel vir pasiënte van die Great Ormond Street Hospitaal.[51] Om die einde van 2014 te gedenk, is 'n reeks foto's van Larry se loopbaan by Downingstraat gepubliseer.[52] In Februarie 2015 Larry het sy modelleringsdebuut gemaak toe hy op 'n kunswerk, wat op die deur van Downingstraat 10 geïnstalleer is, verskyn het.[53][54]

Vyfde jaar in Downingstraat[wysig | wysig bron]

Larry se verjaarsdag is op 15 Februarie 2015 gevier. Die volgende dag was Larry terug by die werk om as gasheer vir 'n tafelronde van die Caremakers op te tree.[55] Na die moord van 'n hond in Maart by Crufts, het David Cameron veiligheidsmaatreëls rondom Larry verdubbel.[56] Later die maand het Samantha Cameron ten bate van Comic Relief (Komiese Verligting) haar gesig geverf om soos Larry s'n te lyk.[57] Op die eerste dag van die Algemene Verkiesingsveldtog, het Larry Downingstraat teen 'n polisie snuffelhond, Bailey, verdedig.[58] Met die Algemene Verkiesing aan die gang, het Larry addisionele pligte onderneem. Hy was byvoorbeeld by buitelandse betrekkinge, soos om vir President Obama se hond, Bo, 'n kouspeelding te stuur, betrokke.[59] Daar is ook berig dat David Cameron se dogter, Florence, vir Larry in die huis rondjaag.[60] Tydens die Algemene Verkiesingsveldtog, het die Arbeidersparty bevestig dat indien Ed Miliband die volgende Eerste Minister sou word, Larry sy posisie as Hoofmuisvanger sal behou.[61]

Europese rooijakkals (Vulpes vulpes) – een van Larry se territoriale teenstanders.

Op die dag van die algemene verkiesing is daar aangekondig dat Larry se posisie in die Kabinet veilig is.[62] In die afwesigheid van 'n Eerste Minister is Larry gedwing om Downingstraat van 'n afstand dop te hou.[63] Hierna moes Larry geduldig wag vir die ander uitslae van die algemene verkiesing om aangekondig te word.[64] Larry moes, vir die eerste Kabinetsvergadering van die nuwe Konserwatiewe regering, deur 'n polisieoffisier na Nommer 10 teruggesleep word.[65] Op 28 Mei is Larry gekritiseer omdat hy misluk het om die Eerste Minister se woning teen 'n indringende reier te beskerm.[66] Op 29 Mei is daar berig dat 'n lid van die publiek vir Larry 'n gehekelde kombers gegee het. In sy dankie-sê brief het Larry 'n foto van homself waar hy buite Downingstraat 10 op die kombers ontspan, aangeheg.[67]

Op 4 Julie het 'n muis oor 'n sofa in die Kanselier van die Skatkis se kantoor gehardloop, wat een van die amptenare skreeuend uit die vertrek laat hardloop het. Die Kanselier van die Skatkis,  George Osborne en die Minister van die Kabinetskantoor, Matthew Hancock het uiteindelik die muis vasgekeer en hom in 'n bruin toebroodjie papiersak gevang. Die voorval het druk op Larry se posisie as Hoofmuisvanger geplaas, met gerugte dat die posisie van Hoofmuisvanger deur die Kanselier van die Skatkis oorgeneem gaan word.[68] Slegs vier dae later het Larry as gewilde gasheer van die besoekers van Our Lady Queen of Heaven Catholic Primary School. teruggebons.[69] In Augustus het Larry egter weer onder die soeklig gekom toe 'n personeellid Larry as "'n regte oorlas"  beskryf het.[70] Larry het die Israeliese Eerste Minister Benjamin Netanyahu by die ingang van Nommer 10 geblokkeer, met die gevolg dat 'n polisieman hom uit die ingang moes wegskop.[71] In November het Larry weer teruggebons deur Sylvia Barry na Downingstraat te nooi om haar te bedank dat sy 'n geskenkkombers aan hom gehekel het.[72]

Op 1 Desember 2015 het Larry, met die hulp van Phillip Schofield, die "Teks Santa oproep", van stapel gestuur [73] Na die uitsonderlike Saterdag Kabinetsvergadering om die resultate van die EU se heronderhandelings te bespreek, is Larry opgemerk waar hy 'n middagstappie neem ten einde te besin oor sy amptelike posisie rakende die EU lidmaatskap.[74] Laat in Desember het die voormalige Minister van Binnelandse Sake, David Blunkett, voorgestel dat Larry gevra moet word om sy verantwoordelikhede na die Westminsterpaleis, wat op daardie stadium van knaagdiere gewemel het, uit te brei.[75]

Sesde jaar in Downingstraat[wysig | wysig bron]

Larry se verjaarsdag is op 15 Februarie 2016 gevier. 'n Maand later is Larry se belangrikheid vir die Verenigde Koninkryk gunstig vergelyk met 'n span dolfyne wat deur die Russiese Vloot afgerig word.[76] In April het Larry se swak muisvangprestasie weer onder die soeklig gekom, en 'n nuwe kat buurman, Palmerston, het op 13 April 2016 by die Kantoor van Buitelandse Sake ingetrek.[77] Skaars 'n week later het Palmerston sy eerste muis doodgemaak, wat verdere druk op Larry se posisie as Hoofmuisvanger geplaas het.[78] Tydens President Obama se besoek aan die Verenigde Koninkryk in April, het Larry daarin geslaag om heelwat Amerikaanse mediadekking te kry.[79]

The Daily Telegraph het gesuggereer dat Cameron nooit werklik van katte gehou het nie, maar dat die beeldpoetsers van mening was dat Larry die Eerste Minister vriendeliker sal laat oorkom.[80] Tydens David Cameron se finale Eerste Minister se Vrae op 13 Julie 2016, het hy die parlement verseker dat, ten spyte daarvan dat die Eerste Minister verander, Larry se posisie as Hoofmuisvanger veilig is. Cameron het verduidelik dat Larry 'n staatsdiensamptenaar is en nie persoonlike eiendom nie.[81] Cameron het ook 'n foto, waar Larry op sy skoot sit oorhandig,[82] om as bewys te dien dat hy lief is vir Larry, en daarop gewys dat hy "hartseer" is dat hy Larry nie saam met hom kan neem nie.[83][84]

Na die nuus dat Theresa May vir David Cameron vanaf Julie 2016 as Eerste Minister sal opvolg, het die personeel van die Kabinetskantoor bevestig dat Larry sal voortgaan om by Downingstraat 10 te woon en dat hy onder die nuwe Eerste Minister steeds die Hoofmuisvanger sal wees.[85]

Tydens May se kabinetskommeling het Larry se posisie as Hoofmuisvanger onmiddellik onder die soeklig gekom omdat hy by verskeie geleenthede in gevegte met Palmerston, Muisvanger van die Kantoor van Buitelandse Sake, betrokke was.[86][87] Larry se groot openbare aanhang het in Julie tot veiligheidspaniek gelei toe 'n pensionaris vir hom 'n ruiker blomme gestuur het op dieselfde dag as wat May veronderstel was om by Downingstraat 10 in te trek. Sekuriteitspersoneel het aanvanklik geweier om die geskenk in ontvangs te neem, maar het ingegee toe hulle hulself daarvan vergewis het dat die geskenk eg is.[88]

'n Parlementslid, Ann Clwyd, het in Julie 2016 kommer oor Larry se welstand uitgespreek. Clwyd het gese dat Larry "in 'n baie slegte toestand is" en dat hy mank loop, met sy regter voorpoot in die lug.[89] Ander waarnemers het opgemerk dat Larry se halsband weg is.[90] Die Leier van die Parlement, David Lidington het Clwyd verseker dat Theresa May se bedoelings teenoor Larry goed is. Daar is aan die hand gedoen dat Larry die hink tydens 'n geveg met Palmerston, wat in die skermutseling hare verloor het, opgedoen het.[91] 'n Woordvoerder van Downingstraat kon egter nie bevestig hoe Larry die besering opgedoen het nie. Die Leier van die Parlement het verklaar dat hy hoop dat Palmerston en Larry 'n "modus vivendi" sal kan bewerkstellig.[92] Larry het later veeartsenykundige behandeling vir die besering ontvang. Die Downingstraatpersoneel het daarvoor betaal, en die verwagting is gestel dat hy ten volle sal herstel.[93] Na 'n paar dae se bedrus, het Larry sy plig om Downingstraat te patrolleer hervat.[94] Daar was egter kommer dat Larry vir Cameron mis en stress ervaar as gevolg van die May-gesin se intrek by Downingstraat.[95] Ten spyte van hierdie struikelblokke, is daar voorspel dat Larry langer as May by Downingstraat sal bly.[96] Palmerston het op 26 Julie onwettig by Nommer 10 ingegaan, en moes met geweld deur die veiligheidspersoneel verwyder word.[97]

Op 29 Julie 2016 het druk op Larry aansienlik toegeneem toe 'n nuwe Hoofmuisvanger, Gladstone (voorheen bekend as "Timmy"), by die Tesourie aangestel is om met die muisprobleem in Downingstraat te help.[98] Die werksverhouding tussen Larry en Gladstone het onmiddellik versuur met Gladstone wat na berig word die stelling "die mense moes my in hierdie hok hou vir ingeval ek in die straat afhardloop en 'n ander Muisvanger, genaamd Larry, aanrand", gemaak het.[99]

Volgens die politieke fotograaf, mnr. Beck, het Larry op 1 Augustus 2016 sy "mees brutale geveg nog", met Palmerston op die trappe van Nommer 10 gehad.[100] Tydens die geveg het Larry sy halsband verloor, terwyl Palmerston se oor sleg geskeur is en hy verskeie diep krapmerke opgedoen het.[101] Waarnemers het opgemerk dat Larry tydens die geveg op sy rug gegooi is, en tot die gevolgtrekking gekom dat Palmerston die skermutseling gewen het.[102] Die geveg moes deur die gewapende polisie gestop word.[103] Op dieselfde dag is daar berig dat mense woedend gereageer het toe daar nie erkenning verleen is aan Larry op Cameron se  Onderskeidingslys nie. Meneer Alistair Graham, voormalige voorsitter van die Komitee: Standaarde in die Openbare Lewe het in die besonder opgemerk dat "baie Eerste Ministers al ontbindingserkennings toegeken het om na hulle vriende te kyk, maar dat mnr. Cameron heeltemal oorboord gegaan het...ek is verbaas dat Larry die kat nie een gekry het nie".[104] Aggressiewe interaksies tussen Larry en Palmerston het in gereeldheid en erns van geweld toegeneem. Omstanders is beseer tydens pogings om hulle uit mekaar te kry. Onafhanklike advies van gedragskenners is ingewin in 'n poging om die intensiteit van die konflik te verminder.[105] Die katwelsynspesialis by Battersea Honde- en Kattehuis het voorgestel dat Larry en Palmerston se buitenshuise toegang tydelik beperk moet word, om die risiko dat hulle mekaar raakloop te verminder. Die volgende oggend, op 3 Augustus, is Larry gesien waar hy Downingstraat patrolleer, met geen sig van Palmerston nie. Die middag het Larry sy rondtes binne Downingstraat 10 gedoen, terwyl Palmerston buite in die straat wag gehou het.

Aan die begin van Augustus, te midde van berigte van voortgesette venynige skermutselings tussen Larry en Palmerston, het dit aan die lig gekom dat die Kabinetskantoor dit oorweeg om nog 'n Hoofmuisvanger aan te stel om die muisprobleem te hanteer. Die hoofsweep, Gavin Williamson, het gesê dat die kat Cromwell genoem sal word.

Toekennings en erkennings[wysig | wysig bron]

In Oktober 2012 is Larry by die Battersea Honde- en Kattehuis met 'n blou muurplaat vereer. [106]

Populêre kultuur[wysig | wysig bron]

'n Boek, met Larry as die karakter, Larry Diaries: Downing Street – the First 100 Days deur voormalige Guardian joernalis James Robinson, is in 2011 gepubliseer.[21] 'n Fotogallery om Larry se eerste twee jaar in sy amp te vier, is deur The Daily Telegraph vervaardig.[107]

In 2012 was 'n slapende Larry by die voordeur van Nommer 10 se Google Street View sigbaar.[108]

Verwysings[wysig | wysig bron]

  1. Horton, H. (13 Julie 2016).
  2. "History: 10 Downing Street".
  3. Glen Oglaza "The Cat's Whiskers", Sky News, 15 Februarie 2011.
  4. "Larry the No 10 cat drafted in as official rat catcher of Downing Street", Daily Mail (webwerf), 15 Februarie 2011.
  5. 5,0 5,1 McConnell, Mary (28 Desember 2011).
  6. "Larry the cat to join David Cameron in Downing Street".
  7. Nissim, Mayer (23 Februarie 2011).
  8. "But that's my auntisurrey universitye's cat: Man's claim on 'stray' No 10 ratcatcher (… and there's a Facebook campaign to get him back)".
  9. Lewis, Paul (23 Februarie 2011).
  10. "Number 10 cat Larry catches three mice".
  11. Prince, Rosa (15 Februarie 2011).
  12. Maev Kennedy (7 September 2011).
  13. 13,0 13,1 Prince, Rosa (28 Februarie 2011).
  14. Stratton, Allegra (24 April 2011).
  15. Harris, Paul (9 September 2011).
  16. 16,0 16,1 16,2 "Downing Street cat Larry caught napping".
  17. "Downing Street cat Larry backed despite No 10 mice".
  18. Dixon, Hayley (10 Junie 2013).
  19. "Larry The Downing Street Cat Celebrates One Year As 'Chief Mouser'".
  20. "Larry, Chief Mouser to the Cabinet Office".
  21. 21,0 21,1 [1]
  22. Enoch, Nick (24 April 2012).
  23. Sims, Paul (24 Mei 2012).
  24. Garland, Ian; Roberts, Hannah (26 Junie 2012).
  25. Wilkes, David (1 Junie 2012).
  26. 26,0 26,1 Walters, Simon (23 Junie 2012).
  27. Bond, Anthony (11 Julie 2012).
  28. "Larry the Downing Street cat finally kills first rodent".
  29. Warner, Gerald (9 September 2012).
  30. "Larry the Downing Street cat sacked as Number 10's chief mouse catcher after chillaxing too much on the job".
  31. "Autumn weather: torrential rain causes flooding in parts of Britain".
  32. Prince, Rosa (16 Oktober 2012).
  33. Parkinson, Justin (16 Oktober 2012).
  34. Parkinson, Justin (16 Oktober 2012).
  35. Number 10 (15 Februarie 2013).
  36. 36,0 36,1 Evans, Becky (21 Februarie 2013).
  37. "I hear some hip cat's running for mayor in Mexico.
  38. "Busy day at the office, Prime Minister?
  39. 39,0 39,1 Chorley, Matt (28 September 2013).
  40. McSmith, Andy (18 Oktober 2013).
  41. Abraham, Tamara; Barrow, Becky (3 Februarie 2014).
  42. "KM Group editorial apprentice Dan Wright misses out on date with Prime Minister David Cameron at National Apprenticeship Week event in Downing Street".
  43. Seymour, David (8 April 2014).
  44. Herald, Plymouth (3 April 2014).
  45. "George Osborne's cat rescued by homelessness worker".
  46. Prynne, Miranda (27 Mei 2014).
  47. "Cameron's Cabinet Reshuffle: Who's In And Who's Out".
  48. "Getty Images: Temperatures Soar To Highest Of The Year".
  49. Culzac, Natasha (8 Augustus 2014).
  50. Lizzie Dearden (9 November 2014).
  51. Great Ormond Street Hospital Childrens Charity.
  52. "In pictures: David Cameron's cat – Larry, Chief Mouser of Downing Street".
  53. Lynda Relph Knight.
  54. "Jason Bruges Studio – Projects". Bestudeer ???
  55. "Error – Liverpool John Moores University". Bestudeer 15 Maart
  56. "I'm increasing security around Larry the Downing Street cat, Cameron jokes in wake of 'murder at Crufts'".
  57. "Purr-fect: Nancy Cameron adds finishing touches to Sam Cam's Larry the Cat face for Comic Relief".
  58. Nicholas Cecil, Sebastian Mann (30 Maart 2015).
  59. "'Spirit of the Gift' exhibit opens at Roosevelt site".
  60. Contributor.
  61. "Commons Confidential: endangered cats, rebellious Scots and the battle for the Edstone". Bestudeer ???
  62. "Newspaper headlines: Election reaction after polls close".
  63. "In downing st we await the exit poll which will be on itv at 10. meanwhile, larry the cat & a fox having a face off".
  64. "Stock Photos, Royalty-Free Images & Illustrations – Corbis Images". Bestudeer ???
  65. "David Cameron addresses his Cabinet with pledge to implement Conservative manifesto in full – as it happened".
  66. "A Bloody Great Big Heron Has Broken into 10 Downing Street".
  67. Helen Johnson (29 Mei 2015).
  68. "2 senior UK ministers hunt down rat during budget meeting". dna. 5 Julie 2015. Bestudeer ???
  69. "Children as happy as Larry after Downing Street visit". Bestudeer ???
  70. Susannah Butter (4 Augustus 2015).
  71. "Cameron's cat back home after cop-kicking".
  72. Helen Johnson (4 November 2015).
  73. "Phillip Schofield poses at Downing Street as he appears on every ITV programme in a day".
  74. "EU referendum latest – BBC News". Bestudeer ???
  75. PoliticsHome.com (24 Desember 2015).
  76. "Russia's military dolphins and other animals with important jobs".
  77. Helena Horton (13 April 2016).
  78. "Palmerston the cat makes first catch after being recruited as 'chief mouser' at Foreign Office – Daily Mail Online".
  79. "Larry the Cat stole centre stage with the US media following Barack Obama's visit". Bestudeer 1 Mei
  80. James Kirkup (12 Julie 2016).
  81. David Millward (9 Augustus 2016).
  82. Template:Ref news
  83. Steven Swinford (13 Julie 2016).
  84. Heather Saul (13 Julie 2016).
  85. Press Association (11 Julie 2016).
  86. http://www.dailymail.co.uk/news/article-3689942/Whitehall-s-cats-Larry-Palmerston-head-head.html
  87. http://www.telegraph.co.uk/news/2016/07/25/larry-the-cat-makes-whitehall-comeback-after-vet-repairs-his-bat/
  88. "Pensioner's gift of flowers for Larry the Downing Street cat sparks security fears".
  89. http://www.bbc.co.uk/news/uk-wales-politics-36856616
  90. https://www.thesun.co.uk/news/1475611/could-resident-no10-cat-also-be-chased-out-of-downing-street-by-foreign-office-rival/
  91. http://www.telegraph.co.uk/news/2016/07/28/shocking-photograph-shows-palmerston-with-missing-fur---is-this/
  92. http://home.bt.com/news/odd-news/limping-larry-the-cat-treated-by-vet-amid-fracas-with-rival-palmerston-11364074846880
  93. http://www.telegraph.co.uk/news/2016/07/21/larry-the-cat-treated-by-vet-amid-turf-war-fracas-with-rival-pal/
  94. http://www.telegraph.co.uk/news/2016/07/25/larry-the-cat-makes-whitehall-comeback-after-vet-repairs-his-bat/
  95. http://www.telegraph.co.uk/news/2016/07/25/larry-the-cat-makes-whitehall-comeback-after-vet-repairs-his-bat/
  96. http://www.dailystar.co.uk/news/latest-news/531870/Larry-the-Cat-Fight-Palmerston-Downing-Street-Battle-Boris-Johnson-Prime-Minister-May
  97. Hornton, H. (3 Augustus 2016).
  98. "Gladstone named Treasury's chief mouser amid cat spat".
  99. http://www.bbc.co.uk/news/uk-politics-36924449
  100. http://www.telegraph.co.uk/news/2016/08/01/larry-loses-collar-in-most-brutal-fight-yet-with-palmerston/
  101. http://www.telegraph.co.uk/news/2016/08/01/larry-loses-collar-in-most-brutal-fight-yet-with-palmerston/
  102. http://www.dailymail.co.uk/news/article-3717938/It-s-real-cat-fight-Larry-Palmerston-square-Downing-Street-bitter-feud-leads-scrap.html
  103. http://www.telegraph.co.uk/news/2016/08/01/larry-loses-collar-in-most-brutal-fight-yet-with-palmerston/
  104. http://www.telegraph.co.uk/news/2016/08/01/people-are-outraged-larry-the-cat-isnt-on-david-camerons-honours/
  105. Hornton, H. (3 Augustus 2016).
  106. "The home where the only pay is happiness".
  107. "In pictures: David Cameron's cat – Larry, Chief Mouser of Downing Street".
  108. Whittaker, Zack (30 Julie 2012).

Eksterne skakels[wysig | wysig bron]