Lawrence M. Krauss

in Wikipedia, die vrye ensiklopedie
Lawrence Maxwell Krauss
Laurence Krauss.JPG
Krauss by die Universiteit van Gent in 2013
Gebore1954
NasionaliteitVlag van Verenigde State van Amerika Verenigde State Vlag van Kanada Kanada
BeroepSkrywer, fisikus

Lawrence Maxwell Krauss (gebore in 1954) is 'n Amerikaans-Kanadese teoretiese fisikus, kosmoloog en professor in die Skool van Aarde- en Ruimteverkenning aan die Arizona Staatsuniversiteit (ASU). Hy is 'n voormalige professor aan Yale en die Case Western Reserve-universiteit. Hy is van Joodse afkoms en het die ASU se Origins Project van stapel gestuur om fundamentele vrae oor die heelal te ondersoek en tot Julie 2018 as hoof van die projek gedien.[1] Die ASU het in antwoord op bewerings van seksuele wangedrag deur Krauss 'n ondersoek van stapel gestuur. Toe dit vasgestel is dat Krauss die universiteit se beleid oortree het, het hulle hom van sy posisie as direkteur verwyder.[2] Krauss het voortgegaan as professor aan ASU en in Mei 2019 afgetree. In Januarie 2019 is dit aangekondig dat hy president van die Origins Project-stigting geword het.[3] Die stigting is 'n nie-winsgewende organisasie wat openbare sessies oor wetenskap, kultuur, die samelewing, en ander opvoedkundige aangeleenthede aanbied. Hy sou ook 'n nuwe Origins podsending aanbied.

Hy is 'n voorstander van die openbare begrip van wetenskap en van openbare beleid wat gebaseer is op grondige empiriese data, wetenskaplike skeptisisme, en opvoeding in die wetenskappe. Krauss is 'n ateïs en is derhalwe toegewyd daaraan om die invloed te verminder van bygelowigheid en religieuse dogma in populêre kultuur.[4]

Krauss is die outeur van verskeie topverkopers, insluitende The Physics of Star Trek (1995) en A Universe from Nothing: Why There is Something Rather Than Nothing (2012). Hy was voorsitter van die Bulletin of the Atomic Scientists se raad van borge.

Verwysings[wysig | wysig bron]

  1. "About The Origins Project". origins.asu.edu (in Engels). Arizona State University. Geargiveer vanaf die oorspronklike op 22 September 2018. Besoek op 13 Augustus 2018.
  2. "Lawrence Krauss replaced as director of The Origins Project". The Arizona State Press (in Engels). Geargiveer vanaf die oorspronklike op 21 September 2019. Besoek op 4 Augustus 2018.
  3. admin. "People – The Origins Project Foundation" (in Engels). Geargiveer vanaf die oorspronklike op 20 Maart 2019. Besoek op 13 April 2019.
  4. Krauss, Lawrence (1 Junie 2010). "Faith and Foolishness: When Religious Beliefs Become Dangerous". Scientific American. Besoek op 31 Maart 2014.


Hierdie artikel is in sy geheel of gedeeltelik vanuit die Engelse Wikipedia vertaal.