Leer (toestel)

in Wikipedia, die vrye ensiklopedie
'n Verlengbare leer

'n Leer is 'n toestel met trappe waarmee daar teen hoë voorwerpe op- of afgeklim word. 'n Leer bestaan uit twee ewewydige balke of toue met dwarsstukke (sporte) waarop getrap word as 'n mens klim. Die klimmer hou met sy hande aan die balke vas, terwyl hy met sy voete van die een trap na die volgende beweeg.

'n Vrystaande houtleer

Lere kan van metaal, hout of selfs van tou gemaak word. Daar is hoofsaaklik twee soorte lere: rigiede (stewige) lere en toulere.

Rigiede lere kan rond gedra word, maar word soms permanent geïnstalleer, soos in swembaddens of teen torings en stapelbeddens. Nie-permanente lere word teen voorwerpe gestut, of kan vrystaande gebruik word. Sommige lere kan verleng of opgevou word, wat dit makliker maak om hulle op te slaan en weg te bêre.

Toulere word meestal gebruik om teen bome of rotswande te klim. Sulke lere moet ten minste aan die bokant aan iets vasgebind wees. Dit is moeiliker om 'n touleer as 'n rigiede leer te gebruik. 'n Touleer kan egter maklik opgerol en weggebêre word.

Traplere word hoofsaaklik in en om die huis gebruik om dinge wat nie te hoog is nie by te kom, soos om gordyne te hang of goedere uit 'n hoë kas te haal. Hulle is gewoonlik in die vorm van 'n onderstebo "V" met 'n platform bo-op waarop mens kan staan.

'n Brandweerwa met draaibare leer.

Lere word algemeen op brandweerwaens gemonteer. Hierdie lere kan na enige kant gedraai word, vanwaar die brandweermanne die brand onder beheer kan bring.

Eksterne skakels[wysig | wysig bron]