Lesotho-Hoogland-waterprojek
Die Lesotho-Hoogland-waterprojek (Engels: Lesotho Highlands Water Project, Sesotho: metsi a lihlaba) is 'n projek wat water vanaf die berge in Lesotho via 'n reeks damme en tonnels na die Vaalrivierstelsel verplaas. Van die damme wat reeds voltooi is:
Fase (1A)[wysig | wysig bron]
Fase 1A is die voltooiing van die Katsedam in die Malutiberge, 'n 82 km lang oordrag- en afleweringstonnel. Die water word in die Asrivier afgelewer teen 'n tempo van 17m3/s. Dié fase is in 1998 in diens gestel. Die tonnel mond uit in die Asrivier net buite Clarens op die Bethlehempad.
Fase (1B)[wysig | wysig bron]
Fase 1B is die voltooiing van die Mohaledam, 'n 32 km lang oordragtonnel tussen die Mohale- en Katsedamme.
Fase II[wysig | wysig bron]
Fase II behoort teen 2020 water aan Suid-Afrika te lewer. Dit sluit die voltooiing van die Polihalidam in, in Lesotho.[1]
Algemeen[wysig | wysig bron]
Elke dekade word die pypleidings hersien, en dan word die watertoevoer vir twee maande lank afgesluit. 'n Hoër voorraad water word dan in die Vaaldam opgegaar om aan die Gauteng-gebied te voorsien.[2] Volgens Lesotho se Hooglandontwikkelingsowerheid is daar in die 21 jaar vanaf Januarie 1998 tot April 2019 sowat 15 miljard kubieke meter water aan Suid-Afrika gelewer.[3]
Kaart van die Lesotho-Hoogland-waterprojek
Die 320 m WIRTH 529
Die Klein-Caledonuitval verskaf water aan die Vrystaat tydens droogtes en waterkrisisse[4][5]
Die Asrivieruitval lewer water aan die Liebenbergsvlei- en Vaalrivier
Verwysings[wysig | wysig bron]
- ↑ Tempelhoff, Elise (21 Julie 2012). "Vaalrivier: Boere gewaarsku". Beeld. Besoek op 24 Augustus 2015.
- ↑ Joubert, Jan-Jan (23 September 2012). "Gauteng kry 2 mnde. g'n water van hiér". Beeld. Besoek op 24 Augustus 2015.
- ↑ amaBhungane (10 Junie 2019). "Lesotho's top politicians feed on rural water project". Daily Maverick. Besoek op 2019-06-10.
- ↑ Gericke, Marietjie (12 Julie 2014). "Kommer oor duur water: Lesotho-Hooglandskema lewer reeds van Donderdag aan klein Caledonrivier". Netwerk24. Besoek op 24 Augustus 2015.
- ↑ Gericke, Marietjie (21 Augustus 2015). "Vrystaat kry weer water van Lesotho". Netwerk24. Besoek op 24 Augustus 2015.
