Katsedam
| Katsedam | |
|---|---|
 Die Katsedam in Lesotho.
| |
| Amptelike naam | Katsedam |
| Ligging | |
| Provinsie/Land | Lesotho |
| Koördinate | 29°20′13″S 28°30′22″O / 29.33694°S 28.50611°O |
| Dam in | Malibamat'so-rivier |
| Doel | Besproeiing en huishoudelik |
| Openingsdatum | 1996 |
| Soort dam | Dyk |
| Hoogte van wal | 185 m |
| Lengte van wal | 710 m (wal) |
| Kapasiteit | 1,950 km³ |
| Damoppervlak | 3 580 ha |
Die Katsedam is in die hooglande van Lesotho in die Malutiberge en vorm deel van die Lesotho-Hoogland-waterprojek. Die dam is in die Malibamatsorivier en in 1996 voltooi.
Die damwal
[wysig | wysig bron]
Die damwal is 'n dubbele geboë beton-boogdam. Die kruin is 710 m lank en die wal bevat 2,3 miljoen m³ beton. Die wal is 60 m dik onder by sy basis. Die opvanggebied van die dam is 1867 km². Dit is die hoogste dam (bokant seevlak) in Afrika. Die wal is 185 m hoog en die oorloop bestaan uit 10 hekke, elk 16 m wyd en 17 m hoog. Die afloopwater word opgebreek en val in 'n spesiaalgeboude plonsdam van 32 m hoog.
Reservoir
[wysig | wysig bron]Die reservoir wat deur die dam gevorm word, is nou en baie diep met 'n oppervlakte van slegs 35.8 km². Die klein oppervlakte en lae verdampingsvlak by die dam verseker dat die verlies as gevolg van verdamping slegs 10% van die Vaaldam s'n is.
Tonnel en Innametoring
[wysig | wysig bron]
Daar is 'n tonnel van 82 km met 'n deursnee van 4.8 m vanaf die dam na die Asrivier in Suid-Afrika. Alle water vanaf die Lesotho-Hoogland projek word deur die tonnel aan Suid-Afrika gelewer. Die innametoring na die tonnel is sowat 18 km noord van die dam met 'n vermoë van 70 m³/s. Die toring is 23 m in deursnee en 98 m hoog. As gevolg van die posisie van die inlaattoring word die effektiewe kapasiteit van die reservoir beperk van 1 950 miljoen m³ tot 1 520 miljoen m³. Die tonnel mond uit net buite Clarens op die Bethlehempad in die Asrivier.