Lewis-en-Clark-ekspedisie

in Wikipedia, die vrye ensiklopedie
Jump to navigation Jump to search
Lewis en Clark
Die ekspedisie se roete

Die Lewis-en-Clark-ekspedisie het plaasgevind vanaf 14 Mei 1804 tot 23 September 1806. Die doel van die ekspedisie was om 'n roete na die Stille Oseaan te vind. President Thomas Jefferson het goedkeuring van sy kabinet gekry om 'n roete na die Stille Oseaan te soek en ook om nuwe areas te verken wat die pelsjagters en handelaars kan gebruik. Die ekspedisie moes teen die Missouririvier opvaar, dus oor die kontinent gaan en dan via die Columbiarivier die Stille Oseaan bereik.

Kaptein William Clark en Meriwether Lewis is aangestel as ekspedisieleiers. Gedurende die somer van 1803 het hulle reeds begin met voorbereidings. Hulle begin op 14 Mei 1804 vanaf St. Louis en het die monding van die Platterivier op 2 November 1804 bereik, die teenswoordige Bismarck, waar hulle oorwinter het. Hulle breek hulle kamp op en reis verder in April 1805. Hulle bereik die mond van die Yellowstonerivier, sien die Rotsgebergte vir die eerste keer en vind drie sytakke van die Missouririvier wat hulle Jefferson, Madison en Gallatin noem. Hulle beweeg teen die Jefferson op, kruis die Rotsgebergte gedurende September, gaan af met die Columbiarivier en sien die Stille Oseaan ook in November. Hulle oorwinter op die kus en begin die terugtog op 23 Maart 1806. Hulle arriveer terug in St. Louis op 23 September 1806.

Die ekspedisie het tot gevolg gehad dat die geografiese inligting omtrent Amerika vermeerder het en dat daar meer inligting beskikbaar was oor die Missouririvier en Columbiarivier-vallei.

Sien ook[wysig | wysig bron]

Bron[wysig | wysig bron]

  • Collier's Encyclopedia, Crowell-Collier Educational Corporation, Volume 14, Bladsy 532.