Platterivier

in Wikipedia, die vrye ensiklopedie
Jump to navigation Jump to search
Platterivier
Die Platterivier by die Mahoney Staatspark.
Die Platterivier by die Mahoney Staatspark.
Platterivermap.png
Die stroomgebied van die Platterivier.
Oorsprong Saamvloei van Noord- en Suid-Platterivier by North Platte, Lincoln County, Nebraska (Verenigde State)
Monding Cass / Sarpy counties, by Plattsmouth, Nebraska
Missouririvier
Stroomgebied Nebraska (Verenigde State)
Lengte 500 km (310 myl)
Oorspronghoogte 842 m (2 762 vt)
Mondinghoogte 287 m (942 vt)
Gemiddelde afloop 199,3 m³/s (7 073 vt³/s)[1]
Stroomgebiedopp. 219 900 km² (84 910 myl²)[2]
Kaart van die Platterivier-bekken in Noord-Amerika.
Kaart van die Platterivier-bekken in Noord-Amerika.

Die Platterivier (Engels: Platte River; afgelei van Frans: "plat rivier" en Chiwere: "plat water"; ook Nebraska River of Shallow River (in Engels); Ñíbraxge (in Chiwere); Pȟaŋkéska Wakpá (in Lakota); Ní Btháska (in Siouan); Kíckatus (in Caddoan) genoem) is 'n groot oos-vloeiende rivier in die sentrale Verenigde State. Die Platterivier het 'n lengte van 500 km en vloei deur die Amerikaanse deelstaat Nebraska. Die Platterivier bestaan uit twee hooftakke, die Noord-Platterivier met 'n lengte van 1 152 km en die Suid-Platterivier met 'n lengte van 707 km. Die Platterivier is 'n sytak van die Missouririvier, wat op sy beurt 'n sytak van die Mississippirivier is en in die Golf van Meksiko uitmond.

Die Platterivier in Sentraal-Nebraska

Die Platterivier ontstaan uit die saamvloei van die Noord- en Suid-Platterivier by North Platte, Lincoln County in Nebraska, waarna dit in 'n suidelike boog deur die suide van Nebraska in 'n oostelike rigting vloei. In die ooste van Nebraska bereik die Platterivier Columbus, net voordat dit tussen Omaha en Lincoln in die Missouririvier uitmond. Die grootste stad, wat langs die hele Platterivierstelsel lê, is Denver langs die Suid-Platterivier in Colorado.

In die verlede het veral Franse pelshandelaars na dié rivier as Nebraskarivier verwys. Franse was teen 1714 die eerste Europeërs wat die Platterivier bereik het; hulle het die rivier eers Nebraskier (Nebraska) genoem, 'n vertaling van die inheemse Otoe-naam wat "plat water" beteken. Dié betekenis is baie naby aan die Franse rivière plate ("plat rivier"), die moontlike oorsprong van die Platterivier se naam.

Verwysings[wysig | wysig bron]

  1. (en) "USGS Gage #06801000 on the Platte River near Louisville, Nebraska (Water-Data Report 2009)" (PDF). National Water Information System. U.S. Geological Survey. 2009. Besoek op 3 Oktober 2010.
  2. (en) "Boundary Descriptions and Names of Regions, Subregions, Accounting Units and Cataloging Units". U.S. Geological Survey. Besoek op 3 Oktober 2010.

Eksterne skakels[wysig | wysig bron]