Lorsch

in Wikipedia, die vrye ensiklopedie
Lorsch
Stad
Die Ou Raadsaal
Die Ou Raadsaal
Amptelike seël van Lorsch
Seël
Byname: 
Karolingerstadt
Ligging in die deelstaat Hesse
Ligging in die deelstaat Hesse
Lorsch is in Duitsland
Lorsch
Lorsch
Ligging in Duitsland
Koördinate: 49°39′N 08°34′O / 49.650°N 8.567°O / 49.650; 8.567Koördinate: 49°39′N 08°34′O / 49.650°N 8.567°O / 49.650; 8.567
LandVlag van Duitsland Duitsland
DeelstaatHesse
Administratiewe streekDarmstadt
Administratiewe distrikBergstraße
Stigting van die abdy van Lorsch764
Stadstatus1964
Regering
 • BurgemeesterChristian Schönung (CDU)
Oppervlak
 • Totaal25,24 km2 (9,75 vk. myl)
Hoogte
93 m (305 ft)
Bevolking
 • Totaal13 303[1]
 • Digtheid527/km2 (1 360/vk. myl)
TydsoneUTC+1:00 (MET)
 • SomertydUTC+2:00 (MEST)
Poskode
64653
Skakelkodes06251
Webwerfwww.lorsch.de

Lorsch is 'n stad in die administratiewe distrik Bergstraße van die Duitse deelstaat Hesse. Dit is die enigste nedersetting in Hesse waar 'n Unesco-wêrelderfenisgebied te midde van die stadsgebied geleë is - die klooster van Lorsch wat van die Karolingiese tydperk dateer en aan die stad die bynaam Karolingerstadt besorg het. In 2014 het Lorsch sy 1250-jaarfees gevier.[2]

Die Benediktynse abdy, wat in 764 gestig en aan die martelaar Nazarius gewy is, het as Karel die Grote se ryksklooster gedien en tot een van die welvarendste abdye van sy tyd ontwikkel. Die Codex van Lorsch bevat 'n lys van meer as 4 000 besittings van die klooster wat dwarsoor die ryk, tussen Noordsee en die Alpe, geleë was. Naas hierdie besittings het die klooster sy internasionale status as wêrelderfenis aan sy argitektoniese geskiedenis en sy geesteswetenskaplike tradisies te danke. 'n Karolingiese opelugmuseum, wat tegelykertyd as navorsingsentrum dien, behandel die geskiedenis van die abdy.

In Lorsch se historiese stadskern het historiese geboue uit die Baroktyd bewaar gebly. Die Ou Raadsaal huisves op sy eerste verdieping die sogenaamde Nibelungensaal wat sy naam aan muurskilderye met tonele uit die Nibelungen-saga te danke het. Die paleis vom Hausen is die enigste patrisiërhuis in Lorsch.

Verwysings[wysig | wysig bron]

  1. Statistik Hessen: Bevölkerung der hessischen Gemeinden. Besoek op 1 April 2015
  2. Markus Berger: Freizeitführer Südhessen. Gudensberg-Gleichen: Wartberg 2013, bl. 128-129