Seringboom
| Seringboom | |
|---|---|
| |
| Blare, blomme en vrugte | |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | M. azedarach
|
| Binomiale naam | |
| Melia azedarach | |
Die sering (Melia azedarach) is 'n bladwisselende indringerplant en klein tot groot boom wat inheems is aan Suidoos-Asië en Australië. Dit kom feitlik oor die hele Suid-Afrika voor behalwe die westelike Noord-Kaap en staan ook bekend as die Maksering.
Voorkoms[wysig | wysig bron]
Die boom kan tot 20 m hoog word en het verspreide takke en 'n geronde kroon. Die bas is rooibruin en glad. Die blare is saamgestel en varingagtig met getande groterige ovaal blaartjies. Hulle is blinkgroen aan die bokant en word geel in die herfs. Die lila blomme kom voor in digte, eindstandige hofies en is soetgeurig. Die bessies is ertjiegrootte en word bruin wanneer hulle ryp is. Dit word geëet deur loeries en ander voëls. Inname van ryp bessies deur mense kan lei tot braking, diarree, asemhalingsprobleme, bewerasies, en stuipe in kinders.
Indringerplant[wysig | wysig bron]
In Suid-Afrika is Meliea azedarach as 'n kategorie 1b-onkruid geklassifiseer, maar kategorie 3 in stedelike gebiede.[2]
Bronne[wysig | wysig bron]
- Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
Verwysings[wysig | wysig bron]
- ↑ Linnaeus, C. (1753)
- ↑ "NEMBA Nasionale lys van indringerspesies ingevolge artikels 70 (1), 71 (3) en 71A" (PDF). Staatskoerant, 29 Julie 2016. Besoek op 11 Maart 2017.[dooie skakel]
Sien ook[wysig | wysig bron]
Eksterne skakels[wysig | wysig bron]
Wikimedia Commons het meer media in die kategorie Seringboom.
Wikispecies het meer inligting verwant aan Seringboom
