Manasse Tyiseseta

in Wikipedia, die vrye ensiklopedie
Spring na: navigasie, soek
Theodor Leutwein (sit links), Zacharias Zeraua (tweede van links) en Manasse Tyiseseta (vierde van links)

Manasse Tyiseseta (* 25 April 1850 in Otjimbingwe; † 17 April 1898 in Omaruru) was 'n stamleier van 'n groep Herero's met hulle hoofkwartier in Omaruru.

Lewe[wysig | wysig bron]

Manasse Tyiseseta was 'n student in Augustineum in Otjimbingwe. Hy het in 1867 saam met Christian Wilhelm Zeraua na Omaruru (vorige naam: Okonjose) gegaan. Hier was Manasse 'n onderwyser by die skool van 1871 tot 1882.

Hy is getroud met 'n dogter van Zeraua: Albertina Tjiseseta Zeraua (1851-1951). Hulle het 3 kinders gehad:

  • Michael Tyiseseta (1872–1924)
  • Hugo Tyiseseta (1877-1951)
  • Charlotte Tyiseseta Zeraua (1881-1951)[1]

Victor Franke vertel dat gedurende die runderpes-epidemie van 1897 Tyiseseta Manasse nie sy vee wou laat inent nie.

Manasse is op 17 April 1898 aan ingewandskoors oorlede. Sy graf is langs die graf van Christian Wilhelm Zeraua by die ou begraafplaas in Omaruru.

Regeer[wysig | wysig bron]

Manasse Tyiseseta was 'n half-broer van Hoof Tjaherani (regeer 1860-1884). Na die dood van Tjaherani of na die dood van Christian Wilhelm Zeraua in 1884 was Tyiseseta Manasse die Herero-leier van Omaruru. Hy het 'n verdrag van beskerming op 3 November 1885 met Heinrich Ernst Göring van die Duitse Ryk aangegaan.[2] Die sendelinge Carl Gotthilf Büttner en Gottlieb Viehe was ook teenwoordig. Manasse met sy stam was vir baie jare onafhanklik van die Duitsers en die hoofleier Samuel Maharero. Hy het handel gedryf met Suid-Afrika en ook wapens en ammunisie bekom. Hy het sy eie gewapende mag gehad.[3]

Samuel Maharero is in Augustus 1891 deur die Duitse owerhede as die opper-Herero-leier erken, ander leiers van die Herero is nie erken nie. Op 26 November bemiddel Theodor Leutwein 'n vergadering tussen Samuel Maharero en Zacharias Zeraua vir 'n ooreenkoms met Manasse Tyiseseta op Omaruru. Daarna het Manasse sy onafhanklike posisie verloor en Omaruru is deur die Duitse militêre mag beset.

Eksterne Skakels[wysig | wysig bron]

Letterkunde[wysig | wysig bron]

  • (de) Joris de Vries: Manasse Tjiseseta, chief of Omaruru 1884-1898, Namibia; Verlag Köppe, Köln 1999

Verwysings[wysig | wysig bron]

  1. Findagrave: Biografie (en)
  2. "Argief Duitse koloniale wet, bladsy 271" (PDF). Verkry op 2014-01-23.  (de)
  3. "Herero Dag in Okahandja". Verkry op 2014-01-23.  (de)