Mangochi

in Wikipedia, die vrye ensiklopedie
Jump to navigation Jump to search
Mangochi

Fort Johnston
Dorp
Die Malawimeer, oos van Mangochi.
Die Malawimeer, oos van Mangochi.
Mangochi is in Malawi
Mangochi
Mangochi
Mangochi se posisie in Malawi.
Koördinate: 14°27′36″S 35°16′12″O / 14.46000°S 35.27000°O / -14.46000; 35.27000Koördinate: 14°27′36″S 35°16′12″O / 14.46000°S 35.27000°O / -14.46000; 35.27000
StreekSuidelike Streek,
Vlag van Malawi Malawi
DistrikMangochi
Hoogte
470 m (1 540 ft)
Bevolking
2008
 • Totaal51 429
TydsoneUTC+2 (Sentraal-Afrikaanse tyd)
 • SomertydUTC+2
KlimaatTropiese savanne

Mangochi is ’n dorp in die Suidelike Streek van Malawi. Dit is naby die suidpunt van die Malawimeer geleë en is voorheen Fort Johnston genoem. In 2008 het dit ’n inwonertal van 51 429 gehad.

Geskiedenis[wysig | wysig bron]

Die kloktoring in Mangochi wat ter ere van koningin Victoria opgerig is.

Mangochi is in die 1890's deur die koloniale administrateur sir Harry Johnston op die wesoewer van die Shirerivier gestig as ’n verdedigingspos van die Sentraal-Afrikaanse Federasie.[1] Hierna was Fort Johnston, soos dit toe bekend was, ’n belangrike slawemark en administratiewe sentrum.[2]

Die dorp is 470 m bo die seespieël en lê tussen die meer en die Shirerivier,[2] sowat 190 km noordoos van Blantyre, Malawi se ekonomiese sentrum.[3]

Beskrywing[wysig | wysig bron]

Die Bakili Muluzi-brug oor die Shirerivier.

Mangochi is as ’n landbousentrum gevestig wat die verbouing van tabak, katoen en grondboontjies insluit.[1] Rys en mielies word aan die oewers van die meer verbou en vissery is ook ’n baie belangrike bedryf.[1]

Op die dorp is ’n paar winkels, ’n poskantoor, banke en die Malawimeer-museum.[2] ’n Kloktoring wat van die vroeë 20ste eeu dateer, is opgerig ter ere van koningin Victoria.[4]

Mangochi is net weg van die M3-pad geleë.[4] Alle busse van Monkey Bay na Blantyre stop op die dorp.[2] Minibusse loop na Liwonde, Zomba en Blantyre.[2] Die Bakili Muluzi-brug loop by die dorp oor die rivier.[2]

Demografie[wysig | wysig bron]

Jaar Inwoners[5]
1987 14 758
1998 27 055
2008 51 429

Die taal Yao, veral die Mangochi-dialek, word hoofsaaklik gepraat.[6] Daar is ook ’n Swahili-nedersetting.[7]

Toerisme[wysig | wysig bron]

Mangochi word deur Lonely Planet beskryf as ’n dorp met ’n "effense Swahili-gevoel", met palmbome, Arabies-tipe mense en kokosneute wat op straat verkoop word.[2] Daar is verskeie gastehuise en lodges vir toeriste.[2] By die Nkopola Lodge aan die meer kan ’n mens swem, visvang en seil.[8]

Verwysings[wysig | wysig bron]

  1. 1,0 1,1 1,2 "Mangochi". Encyclopaedia Britannica (in Engels). 2008. Geargiveer vanaf die oorspronklike op 6 April 2015. Besoek op 18 Julie 2008.
  2. 2,0 2,1 2,2 2,3 2,4 2,5 2,6 2,7 Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 205. ISBN 1-74059-745-1.
  3. "Soldiers Sent To Help Quell Riots in Malawi". The New York Times. 2003-06-29. Besoek op 2008-07-17.
  4. 4,0 4,1 "Mangochi". Malawi Tourism. Besoek op 2008-07-18.
  5. "World Gazetteer: Malawi: largest cities and towns and statistics of their population". World Gazetteer (in Engels). Geargiveer vanaf die oorspronklike op 15 Mei 2012. Besoek op 17 Julie 2008.
  6. Baldauf, Richard B.; Kaplan, Robert (2004). Language Planning and Policy in Africa: Botswana, Malawi, Mozambique and South Africa. pp. 85–89. ISBN 1-85359-725-2.
  7. Baldauf, p. 91
  8. Gupte, Pranay B. (2008-09-28). "Malawi Now Inviting Visitors to Its Feast of Beauty; Malawi Is Now Inviting Visitors to Share In Its Feast of Natural Beauty If You Go". The New York Times.

Eksterne skakels[wysig | wysig bron]