Mansonbende
Die Mansonbende (onder sy lede bekend as die Familie) was 'n kommune, bende en kultus wat deur die misdadiger Charles Manson gelei is. Hulle was in die laat 1960's en vroeë 1970's in Kalifornië, VSA, bedrywig.[1][2]
Die groep het uit sowat 100 volgelinge bestaan wat 'n onkonvensionele lewe gelei het met gewoontegebruik van hallusinogene soos LSD.[3] Die meeste lede was jong vroue uit die middelklas, van wie baie gelok is deur die hippiekultuur en kommuneleefstyl, en dan radikaal geword het weens Manson se leringe.[4]
Manson is in 1934 gebore en het teen die tyd dat hy in 1967 uit die tronk vrygelaat is, meer as die helfte van sy lewe in tronke of ander instellings deurgebring. Hy het volgelinge in die San Francisco-omgewing begin lok. Hulle het geleidelik by 'n vervalle ranch, die Spahn Ranch, in die Los Angeles-distrik ingetrek.[5] Die ranch is in September 1970 in 'n Kaliforniese veldbrand verwoes.
Volgens die bendelid Susan Atkins was die groep oortuig Manson was 'n manifestasie van Jesus Christus en het hulle geglo in sy voorspellings van 'n komende, apokaliptiese rasseoorlog.[6][7]
In 1969 het die bendelede Susan Atkins, Tex Watson en Patricia Krenwinkel die huis van die aktrise Sharon Tate binnegegaan en haar en vier ander vermoor. Linda Kasabian was ook teenwoordig, maar het nie deelgeneem nie. Lede van die Familie was ook verantwoordelik vir 'n paar ander moorde, aanvalle en diefstalle.
Sien ook[wysig | wysig bron]
Verwysings[wysig | wysig bron]
- ↑ "What ever happened to the other Manson family cult members?". NBC News. Geargiveer vanaf die oorspronklike op Oktober 10, 2019. Besoek op Mei 19, 2018.
- ↑ "The Infamous Manson Family". Biography. Geargiveer vanaf die oorspronklike op Julie 27, 2019. Besoek op Mei 19, 2018.
- ↑ "Charles Manson". Biography. Geargiveer vanaf die oorspronklike op April 9, 2019. Besoek op Mei 19, 2018.
- ↑ "Where are the Manson Family members now?". bbc.co.uk. November 20, 2017. Geargiveer vanaf die oorspronklike op Julie 28, 2019. Besoek op Julie 21, 2018.
- ↑ "How Spahn Ranch Became a Headquarters for the Manson Family Cult". History.com. Geargiveer vanaf die oorspronklike op Augustus 8, 2019. Besoek op Augustus 8, 2019.
- ↑ "Susan Atkins 12/1/69 Caruso/Caballero Interview - Charles Manson Family and Sharon Tate-Labianca Murders Updates & News". Cielodrive.com. Geargiveer vanaf die oorspronklike op September 1, 2019. Besoek op Desember 22, 2018.
- ↑ "Grand Jury Testimony: Susan Atkins". Cielodrive.com. Geargiveer vanaf die oorspronklike op Oktober 11, 2019. Besoek op Desember 22, 2018.
Skakels[wysig | wysig bron]
Wikimedia Commons het meer media in die kategorie Mansonbende.
Hierdie artikel is in sy geheel of gedeeltelik uit die Engelse Wikipedia vertaal.
