MedicAlert

MedicAlert is ‘n organisasie wat die gebruik van die juiste spoedeisende mediese hulp in noodgevallle nastreef.

Geskiedenis[wysig | wysig bron]

Hierdie nie-winsgewende organisasie is in 1956 begin toe dr. Marion Collins amper haar dogter verloor het weens die goedbedoelde toediening van ‘n verkeerde geneesmiddel in ‘n noodtoestand. Dit het sy hoofkantoor in Turlock in Kalifornië. In Suid-Afrika is dit gevestig op die Foreshore (die Kaapstadse strandgebied) en word hier ondersteun deur die Lions-klubs.

Identifikasie[wysig | wysig bron]

Lede van die organisasie dra altyd ‘n armband of halsketting met daaraan ‘n penning of ‘n plaatjie. Daarop staan inligting oor hul kwaal of kontakbesonderhede. Met hierdie inligting word gehoop dat die korrekte behandeling gegee en sodoende die pasiënt se lewe gered word. Op die keersy van so ‘n munt staan die woorde MedicAlert en die wapen van Asklepios.

Wie?[wysig | wysig bron]

Mense wat hiervan gebuik maak, is hulle wat allergies is vir penisillien, aspirien, jodium, sekere soorte teengif, barbituurpreparate, ens. Lyers aan asma, epilepsie, outisme, suikersiekte, Alzheimersiekte, Parkinson se siekte, outo-immuunsiekte, porfirie, hemofilie en gloukoom sowel as gebruikers van kortisoon en bloedstollingsteenmiddels dra dikwels so ‘n skyfie. Ook draers van kontaklense, pasaangeërs en implatate benut die sisteem.

Waar?[wysig | wysig bron]

In 10 lande bestaan die organisasie: Suid-Afrika, Zimbabwe, Australië, Nieu-Seeland, Ysland, Ciprus, Brittanje, Kanada en die VSA.

Eksterne skakels[wysig | wysig bron]