Mercedes F1 W06 Hybrid

in Wikipedia, die vrye ensiklopedie
Jump to navigation Jump to search
Mercedes F1 W06 Hybrid
Mercedes F1 W06.jpg
Nico Rosberg in die F1 W06 Hybrid
Oorsig
Vervaardiger Mercedes AMG Petronas F1-span
Produksie 2015
Montering Flag of the United Kingdom.svg Verenigde Koninkryk
Bakwerk en onderstel
Klas Formule Een
Uitleg Oopwiel, agterwieldryf
Platform 1.6 Liter V6 Turbo
Spesifikasies
Enjin Mercedes-Benz PU106B Hybrid
Lengte 5000 mm
Breedte 1800 mm
Hoogte 950 mm
Massa 702 kg insl. bestuurder

Die Mercedes F1 W06 Hybrid was die Formule Een renmotors van die Mercedes AMG Petronas F1-span vir die Formule Eenwêreldkampioenskap in 2015. Dit was die sewende Mercedes Formule Eenmotor. Die motor is bekendgestel op 1 Februarie 2015 by die Circuito de Jerez. Die eerste foto's van die motor is reeds op 29 Januarie 2015 vrygestel na 'n paar rondtes voltooi is as deel van 'n fotodag by Silverstone.

Tegnies en ontwikkeling[wysig | wysig bron]

Die F1 W06 Hybrid was die opvolger van die Mercedes F1 W05 Hybridmodel. Hoewel dit 'n verbetering was, verskil die motor ooglopend van die vorige jaar s'n, omdat die reëls vir die 2015 Formule Een-seisoen aansienlik verander het ten opsigte van die motor se neus.

Die neus is smal en moet selfs laer begin volgens die regulasies. Die gevolglike versteuring van die lugvloei na die vlerk is deur Mercedes probeer vermy met 'n baie kort neus. Die vlerke strek ver voor die punt van die neus. Die agterkant van die motor is smaller gemaak as sy voorganger, dus moes die verkoelers en luginnames ook verander word.

Na die tweede week se voorseisoentoetse by die Barcelona-Catalunya-renbaan, is aangekondig dat die FIA die kameramontering op die W06 Hybrid as onwettig beskou, en die span is beveel om dit te verander na die eerste wedren van die seisoen in Australië.

Die F1 W06 Hybrid word aangedryf deur 'n Mercedes-Benz PU106B Hybrid, 'n 1,6 liter-V6-enjin met 'n turbo-aanjaer.