Monica Lewinsky

in Wikipedia, die vrye ensiklopedie
Jump to navigation Jump to search
Monica Lewinsky
’n Beeld van die betrokke persoonlikheid.
Lewinsky in Mei 1997

Geboortenaam Monica Samille Lewinsky
Gebore 23 Julie 1973
San Francisco
Nasionaliteit Vlag van Verenigde State van Amerika Amerikaner
Beroep Regeringsamptenaar
Bekend vir Lewinsky-skandaal

Monica Lewinsky (gebore 23 Julie 1973) is 'n voormalige amptenaar van die Withuis. Sy het opslae gemaak met haar erkenning dat sy 'n onbehoorlike verhouding met die destydse Amerikaanse president, Bill Clinton gehad het[1] terwyl sy in 1995 en 1996 by die Withuis gewerk het. Die verhouding en nasleep daarvan staan as die Lewinsky-skandaal bekend.

President Clinton het aanvanklik die bewerings onder eed ontken. Toe meer besonderhede oor die verhouding begin uitlek, het lede van die Republikeinse Party 'n afsettingsprosedure (impeachment) teen hom begin omdat hy onder eed gelieg het. Die afsetting is egter nie deur die Senaat aanvaar nie en Clinton kon sy termyn voltooi.

Karikature van Clinton en Lewinsky op posseëls.

As gevolg van die skandaal het Lewinsky wêreldwyd beroemdheid verwerf. Sy het daarna by 'n verskeidenheid ondernemings betrokke geraak, onder andere die ontwerp van 'n reeks handsakke onder haar naam, advertensiewerk vir 'n dieetplan en werk as 'n TV-persoonlikheid. Daarna is sy na Londen om vir 'n meestersgraad in sielkunde te studeer.

Teenwoordig is sy ook 'n anti-bullebakaktivis.

Verwysings[wysig | wysig bron]

  1. Baker, Peter; John F. Harris (18 Augustus 1998). "Clinton Admits to Lewinsky Relationship, Challenges Starr to End Personal 'Prying'". The Washington Post. p. A1. 

Eksterne skakels[wysig | wysig bron]