Moskouse Historiese Staatsmuseum

in Wikipedia, die vrye ensiklopedie
Spring na: navigasie, soek
Die Moskouse Historiese Staatsmuseum soos gesien vanaf Rooiplein.

Die Moskouse Historiese Staatsmuseum (Russies: Государственный Исторический музей, Gosoedarstwenni Istoritsjeski Moezei) is ’n geskiedenismuseum aan Rooiplein in Moskou. Uitstallings wissel van oorblyfsels van prehistoriese stamme wat in die hedendaagse Rusland gebly het tot kunswerke van onskatbare waarde wat deur lede van die Romanof-dinastie bymekaargemaak is.

Die eerste apteek in Moskou het van die begin van die 18de eeu op dié plek gestaan. Dit is in 1755 ombou en was twee dekades lank die eerste kampus van die destyds nuut geboude Moskouse Staatsuniversiteit wat in dié jaar deur Michail Lomonosof gestig is.

Die huidige gebou is spesiaal gebou vir die Historiese Museum, wat in 1872 gestig is, en in Mei 1883 ingewy. Die argitek was Wladimir Sherwood, wat dikwels gebruik gemaak het van die tradisionele Russiese styl. Die gebou het ’n ou Russiese voorkoms: Die fasade herinner aan dié van tradisionele Russies-Ortodokse kerke, met torings wat pas by die Kremlin-torings. Die vorm van die dak herinner aan dié van die Terem-paleis in die Kremlin, ’n styl wat in die 16de en 17de eeu gebruik is vir herehuise.

Vandag is die Historiese Museum die grootste en bekendste geskiedenismuseum in Rusland. Dit bevat sowat 4,5 miljoen items uit die Russiese geskiedenis en hou jaarliks spesiale temagebonde uitstallings.

Belangrike items sluit in ’n sloep wat aan die oewers van Wolga-rivier opgegrawe is, goue kunswerke van die Skitiërs, manuskripte wat tot uit die 6de eeu dateer en houtvoorwerpe. Die museum se muntstukversameling alleen bestaan uit 1,7 miljoen stukke; dit is die grootste in Rusland.

Eksterne skakels[wysig]

Commons-logo.svg
Wikimedia Commons het meer media verwant aan:


Crystal txt.png

Hierdie artikel is vertaal vanuit die Engelse Wikipedia


Koördinate: 55°45′19″N 37°37′04″O

Bakens aan Rooiplein
Moskouse Historiese StaatsmuseumOpstandingspoort en Iberiese KapelVoormalige Moskouse Provinsiale RaadsgebouKazan-katedraalGUM-afdelingswinkelVoormalige GroothandelsgebouLobnoje MestoGedenkteken vir Minin en PozjarskiSint Basilius-katedraalOostelike KremlinmuurLenin-mausoleumKremlinmuur-dodeakker