Gaan na inhoud

Mponeng-myn

in Wikipedia, die vrye ensiklopedie
Mponeng-myn
Goudmyn
Bo-grondse aktiwiteite by Mponeng-myn.
Bo-grondse aktiwiteite by Mponeng-myn.
Eienaar Harmony Gold
Ligging Carltonville
Provinsie Gauteng
Land Suid-Afrika

Mponeng is 'n ultradiep tafelvormige goudmyn in die Witwatersrandbekken van Gauteng, Suid-Afrika.[1] Die mynbedrywighede het in 1986 begin en die myn was eers bekend as die Western Deep Levels Nr.1 Skag.[2] Die naam Mponeng is 1999 in gebruik geneem.[3] Dit was een van die mees vermoënde goudmyne in die wêreld in terme van produksie en omvang, met bedrywighede wat al amper 4 kilometres (2,5 mi) onder die oppervlak bereik.[4][5] Op hierdie diepte neem Mponeng die titel van die wêreld se diepste myn van grondvlak af, met die myn wat beoog om selfs verder as 4 km te verdiep om meer reserwes te bereik.[6][7] Die diepte van party van die hulpbronne, insluitend Mponeng, het Suid-Afrika 'n baanbreker in die veld van diep goudmyntegnologie gemaak. 'n Rit van die oppervlak na die diepste punt van die myn neem meer as 'n uur.[4] Suid-Afrika se mineraalhulpbronne is die lewensbloed van die ekonomie met mynbou wat 'n grondslagbedryf is wat 'n groot aantal mense, maatskappye en bedrywe ondersteun en hele dorpe en stede insluit.[8]

Bedrywighede

[wysig | wysig bron]

Geskiedenis

[wysig | wysig bron]

Mponeng vorm deel van die Witwatersrand, die grootste goudmineralisasie op aarde, en is die resultaat van Europeërs se ontdekking van die bekken. In die vroeë 1850-70's is 'n reeks mineraalontdekkings in die area gemaak, insluitend dié van Pieter Jacobus Marais wat goud uit 'n rivier gewan het en Henry Lewis wat 'n kwarts- en goudaar op 'n plaas ontdek het. Dit het gelei tot die Witwatersrand Goudstormloop in 1886.[9] Hierdie ontdekkings het baie mynboubedrywighede tot gevolg gehad en na skagsinking vir ongeveer 5 jaar (vanaf 1981) het Mponeng amptelik met mynboubedrywighede in 1986 begin.[3][2]

Liv Shange spreek stakende mynwerkers in Carletonville aan gedurende die 2012 nasionale stakings.

Daar word verwag dat die myn tot 2029 in bedryf sal wees, waarna hulpbronne sal begin opraak. Die myn is al sedert 1986 in bedryf en het die moontlikheid om vir 43 jaar te produseer.[10] Tans is die myn bykans 3,8 km diep en in die komende jare van oorblywende produksielewe, sal die myn heel waarskynlik 'n diepte van meer as 4,2 km bereik. [10] Die myn was nie voortdurend aan die gang sedert die opening in 1986 nie. 'n Seismiese voorval in Maart 2020 het daartoe gelei dat operasies tydelik gestaak moes word as gevolg van sterftes.[10] Soos baie ander bedrywe moes Mponeng toemaak met die koms van die Covid-19-pandemie in Mei 2020, maar het sedertdien weer met produksie begin.[10][11]

Stakings in die Suid-Afrikaanse mynboudistrik was reeds in 1900's teenwoordig, soos die Suid-Afrikaanse goudmynstaking in Augustus 1946.[12] Aangesien Mponeng eers naby die draai van die eeu in gebruik geneem is, was daar behalwe vir die 2012-stakings, nog geen noemenswaardige voorvalle nie. Die 2012-stakings het plaasgevind toe AngloGold Ashanti Mponeng se eienaar was.[13] Die stakings was 'n gekombineerde resultaat van werkerskwessies in die goud- en platinumindustrie in Suid-Afrika.[13] AngloGold se posisie was om veiligheid, vrede en stabiliteit te behou. [13] Die stakingsaksie van 2012 het amper 16% van die totale mynbouwerksmag van Suid-Afrika ingesluit, dus nie net by Mponeng nie.[14] AngloGold het ongeveer 35 000 werkers gehad wat hul gereedskap in die onwettige staking neergesit het.[15] Alhoewel dit nie by Mponeng gebeur het nie, het die 2012-staking 'n staking by 'n nabygeleë platinummyn ingesluit wat tot 34 mynwerkers se dood in polisie-interaksies gelei het.[14]

Aktiwiteite en eienaarskap

[wysig | wysig bron]

Harmony Gold, Afrika se grootste goudprodusent, het Mponeng in 2020 by AngloGold Ashanti (AGA) vir ongeveer $200 miljoen gekoop. Harmony Gold het ook Mine Waste Solutions aangeskaf soos hulle die oorblywende bates van AGA's in laat 2020 oorgekoop het. [16] In 2022 was die produksiekoste altesaam VS$1771/ons (VS$1614/ons troois). Selfs met die amper rekordhoë goudpryse, breek Mponeng skaars gelyk.[17] Goud is tans ongeveer VS$2080/ons (VS$1900/ons troois) werd.[18] Meer as 5 400 metriese ton klip word daagliks by Mponeng gemyn.[19] Afgesien van sekere sluitings by Harmony Gold het bedrywighede aangehou. Die mees onlangse publikasie van Harmony Gold beskryf hul 2023-jaarproduksie:

  • Vervaardig: 7 449 kg (239 490 onse) goud[2]
  • Graad: 8,43 g/t[2]
  • Volume van gouderts gemaal: 884 000 ton[2]

Interessanthede

[wysig | wysig bron]

Op 20 Augustus 2017 het 'n Ecuadoriaanse marathonatleet, Millan Ludena, 'n halfmarathon suksesvol onder in die myn voltooi wat amptelik deur die Guinness World Records as die diepste ondergrondse halfmarathon ooit bekroon is. Ludena moes strawwe omstandighede binne die myn aandurf soos 'n temperatuur van 40°C, 80 persent humiditeit en 1,4 atmosferiese druk wat dieselfde druk is as wat 'n duiker vyf meter onder seevlak ervaar en beperkte suurstof en sigbaarheid. Daar is vir hom 'n baan van 1 km uitgelê wat hy binne twee ure en 32 minute 21 keer gehardloop het.[20]

Verwysings

[wysig | wysig bron]
  1. ↑ Ziegler, Moritz; Reiter, Karsten; Heidbach, Oliver; Zang, Arno; Kwiatek, Grzegorz; Stromeyer, Dietrich; Dahm, Torsten; Dresen, Georg; Hofmann, Gerhard (1 Oktober 2015). "Mining-Induced Stress Transfer and Its Relation to a M1.9 Seismic Event in an Ultra-deep South African Gold Mine". Pure and Applied Geophysics (in Engels). 172 (10): 2557–2570. doi:10.1007/s00024-015-1033-x. ISSN 1420-9136.
  2. ↑ 2,0 2,1 2,2 2,3 2,4 "Mponeng Overview". www.harmony.co.za. Besoek op 12 Maart 2024.
  3. ↑ 3,0 3,1 Barradas, Sheila. "Mponeng mine, South Africa". Mining Weekly (in Engels). Besoek op 12 Maart 2024.
  4. ↑ 4,0 4,1 Wadhams, Nick (11 Maart 2011). "Gold Standards: How miners dig for riches in a 2-mile-deep furnace" (Vol. 19 No. 3 uitg.). Wired. p. 42.
  5. ↑ "Mponeng Gold Mine, Gauteng". Mining Technology (in Engels (VSA)). Besoek op 17 Februarie 2024.
  6. ↑ Praveen (11 Junie 2019). "The top ten deepest mines in the world". Mining Technology (in Engels (VSA)). Besoek op 17 Februarie 2024.
  7. ↑ Manzi, M. (16 Junie 2014). "3D Seismic Imaging of the Ghost-Carbon Leader Reef of the World's Deepest Gold Mine - Mponeng Gold Mine, South Africa". EAGE. Proceedings 76th EAGE Conference and Exhibition Workshops (in Engels). European Association of Geoscientists & Engineers: cp. doi:10.3997/2214-4609.20140511. ISBN 978-90-73834-90-3 – via EarthDoc.
  8. ↑ Vegter, Ivo (2019). "Why Mining Still Matters" (PDF). South Africa Institute of Race Relations.
  9. ↑ Cairncross, Bruce (4 Julie 2021). "The Witwatersrand Goldfield, South Africa". Rocks & Minerals (in Engels). 96 (4): 296–351. Bibcode:2021RoMin..96..296C. doi:10.1080/00357529.2021.1901207. ISSN 0035-7529.
  10. ↑ 10,0 10,1 10,2 10,3 "Mponeng Gold Mine, South Africa - The World's Deepest Mine" (in Engels (VSA)). Besoek op 12 Maart 2024.
  11. ↑ Bongaerts, Dion; Mazzola, Francesco; Wagner, Wolf (14 Mei 2021). "Closed for business: The mortality impact of business closures during the Covid-19 madness". PLOS ONE (in Engels). 16 (5): e0251373. Bibcode:2021PLoSO..1651373B. doi:10.1371/journal.pone.0251373. ISSN 1932-6203. PMC 8121299. PMID 33989322.
  12. ↑ James, Wilmot G. (1987). "Grounds for a Strike: South African Gold Mining in the 1940s". African Economic History (16): 1–22. doi:10.2307/3601267. ISSN 0145-2258. JSTOR 3601267.
  13. ↑ 13,0 13,1 13,2 McKay, David. "Strikes shut down 40% of SA gold". Business (in Engels (VSA)). Besoek op 24 Maart 2024.
  14. ↑ 14,0 14,1 Muhumuza, Rodney (4 Oktober 2012). "Striking SAfrican miners find strength in numbers". CNBC (in Engels). Besoek op 24 Maart 2024.
  15. ↑ Smith, David (26 September 2012). "South African's goldmines beset by simmering resentment". The Guardian (in Engels (VK)). ISSN 0261-3077. Besoek op 24 Maart 2024.
  16. ↑ "Mponeng Gold Mine, South Africa - The World's Deepest Mine" (in Engels (VSA)). Besoek op 12 Maart 2024.
  17. ↑ Burron, Ian (13 April 2023). "How Low Can you go? The Challenges of Deep Mining | Geology for Investors". www.geologyforinvestors.com (in Engels (VSA)). Besoek op 17 Februarie 2024.
  18. ↑ "Gold Statistics and Information | U.S. Geological Survey". www.usgs.gov. Besoek op 16 Februarie 2024.
  19. ↑ Wadhams, Nick (11 Maart 2011). "Gold Standards: How miners dig for riches in a 2-mile-deep furnace" (Vol. 19 No. 3 uitg.). Wired. p. 42.
  20. ↑ Garcia, Sergio (23 September 2017). "Ecuadorian sets record in run 4,000m below surface". www.aa.com.tr. Besoek op 17 Februarie 2024.
Ontsluit van "https://af.wikipedia.org/w/index.php?title=Mponeng-myn&oldid=2694631"