Musée maritime fluvial et portuaire de Rouen

in Wikipedia, die vrye ensiklopedie
Spring na: navigasie, soek
Musée maritime fluvial et portuaire de Rouen
Entrée muséeRouen.JPG
Land Frankryk
Stad Rouen
Versameling Skeepsvaart
Uitgestalde stukke meer as 2000
Oppervlakte 900 m2
Openingsjaar 1999
Besoekers per jaar ongeveer 10000
Adres Loods Nommer 13, Quai Émile Duchemin, 76000 Rouen
Naaste bushalte Mont-Riboudet (T1, T2, T3, 16)
Webadres http://www.musee-maritime-rouen.asso.fr/
Sien ook: Museum

Die Musée maritime fluvial et portuaire is 'n museum in die Normandiese stad Rouen wat oor die geskiedenis van die plaaslike hawe, een van die grootstes in Frankryk, handel. Die museum is in die jaar 1999 geopen.

Die museum[wysig | wysig bron]

Die hoofonderwerpe is:

  • die hawe se geskiedenis, wat met talle foto's gedokumenteer is, onder andere 'n gedeelte oor die verwoesting wat die Tweede Wêreldoorlog veroorsaak het
  • die hawegeriewe en bedrywighede langs die Seinerivier gedurende die 19de eeu
  • die groot seilskepe van Rouen, met 'n gedeelte oor die skepe wat na Nieuw-Caledonië gevaar het om nikkel op te laai
  • die handelsvloot, met verskeie modelle van vragskepe, naby die voormalige loods van die hawe, waarin die museum gehuisves word
  • watervervoer op riviere
  • die skeepsbou
  • walvisjag
  • die geskiedenis van duikbote, waaronder inligting oor Robert Fulton se Nautilus.

Die museum vertoon onder meer enjins van rivierbote, stoombote wat deur vissers gebruik is, 'n newelbel, 'n duiker en die afdruk van 'n radiokamer van 'n skip gedurende die 1960-jare.

Die geraamte van 'n jong walvis (verskaf deur die museum d'histoire naturelle de Rouen) word in die middel van die museum vertoon. Dit is 'n gewone vinvis, wat slegs 7 jaar oud was toe dit dood is nadat dit self gestrand het.

'n Rivierboot met 'n lengte van 38 meter, wat die Pompon Rouge heet, kan in die binnehof van die museum besigtig word. Dit vertoon watervervoer op riviere, met onder andere 'n sluismodel.

Verder is daar reëlmatige uitstallings oor verskillende temas, byvoorbeeld die vervoerbrug van Rouen en die Wikings.

Foto's[wysig | wysig bron]

Die gebou[wysig | wysig bron]

Die museum word gehuisves in Loods nommer 13 in die hawe van Rouen

Die museum word in 'n deel van die hawe se voormalige loodse gehuisves. Die loods is in die jaar 1926 gebou en tot die sewentigerjare deur die Schiaffino-maatskappy gebruik. Teen 1984 was dit nie meer deur die hawe in gebruik nie.

Eksterne skakels[wysig | wysig bron]