NG gemeente Claremont

in Wikipedia, die vrye ensiklopedie
Jump to navigation Jump to search

Die NG gemeente Claremont was 'n gemeente van die Nederduitse Gereformeerde Kerk in die west van Johannesburg met sy swaartepunt in die voorstad met dieselfde naam, Claremont.

Die gemeente is in 1958 gestig in 'n tyd toe daar 'n groot toename in die getal Afrikaanssprekendes in dié deel van die Witwatersrand was. In die onmiddellike omgewing van die ou moedergemeente van dié geweste, NG gemeente Waterval, wat op 24 Mei 1921 van die NG gemeente Langlaagte afgestig is, het ook nog Greymont in 1954 en Aasvoëlkop in 1959 ontstaan. Vroeër reeds het die eerste twee dogtergemeentes van Waterval, Linden (met Greenside en Emmarentia van Johannesburg-Oos daarby ingereken) op 8 Oktober 1936 en Westdene op 14 April 1938 tot stand gekom.Op hulle beurt het Hurst Hill (later Crosby-Wes) in 1949 van Westdene afgestig en van Linden: Ferndale (later Randburg) in 1944, Fairland en Fontainebleau in 1955 en Lindenpark in 1962. Triomf is in 1967 tussen Waterval en Westdene gestig ná die gedwonge verskuiwings uit Sophiatown.

Claremont is op 28 Augustus 2011 by die moedergemeente, Waterval, ingelyf. Ds. Martin Petrus Bothma het die gemeente van 1963 af bedien en, nadat hy in 1998 geëmeriteer het, nog tot aan die einde as emeritus-leraar.

Enkele leraars[wysig | wysig bron]

  • Martin Petrus Bothma, 1963 - 1998, 1998 - 2011 (as emeritus-leraar)

Bronne[wysig | wysig bron]

  • Van Rene, Adri-Louise (hoof: Tydskriftemaatskappy). 2012. Jaarboek van die NG Kerke 2012. Wellington: Tydskriftemaatskappy.