Emmarentia

in Wikipedia, die vrye ensiklopedie
Emmarentia
Emmarentia is in Gauteng
Emmarentia
Emmarentia
 Emmarentia se ligging in Gauteng
Koördinate: 26°9′21.6″S 28°0′10.8″O / 26.156000°S 28.003000°O / -26.156000; 28.003000Koördinate: 26°9′21.6″S 28°0′10.8″O / 26.156000°S 28.003000°O / -26.156000; 28.003000
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
HoofplekJohannesburg
Oppervlak
 • Totaal3,81 km2 (1,47 vk. myl)
Bevolking
 (2011)[1]
 • Totaal5 116
 • Digtheid1 343/km2 (3 480/vk. myl)
Rasverdeling (2011)
 • Wit mense40,9%
 • Indiërs/Asiërs27,4%
 • Bruin mense2,5%
 • Swart mense26,1%
 • Ander3,0%
Taal (2011)
 • Engels 67,2%
 • Afrikaans 10,2%
 • Zoeloe 5,5%
 • Tswana 3,4%
 • Ander 13,7%
Poskode (strate)
2195
Poskode (posbusse)
2029
Emmarentia en Lourens Geldenhuys en hul gesin. Die voorstad is na haar genoem.
Op dié Johannesburgse straatkaart van 1929 was die gebied waarop Emmarentia en Greenside uitgelê sou word, nog 'n oop gedeelte van die plaas Braamfontein. "Laurensstraat" (waarskynlik Lourens na aanleiding van Lourens Geldenhuys) is later herdoop tot Barry Hertzoglaan. Emmarentia is nou wes van die pad geleë en Greenside oos.

Emmarentia is 'n boomryke, gevestigde en betreklik gegoede voorstad van Johannesburg, Gauteng, Suid-Afrika. Dis sowat 4 km noord van die stadsaal geleë. Dit word begrens deur Linden in die noorde, Greenside in die ooste, Melville in die suide en Roosevelt Park in die weste.

Die voorstad is op die welgestelde politikus en weldoener Lourens Geldenhuys, na wie die Laerskool Louw Geldenhuys in die aangrensende Linden genoem is, se plaas Braamfontein aangelê en genoem na sy vrou, Emmarentia. Die voorstad is op 28 April 1937 geproklameer en Uitbreiding 1 op 4 Julie 1945. Die ou Rustenburgpad, wat later die naam Barry Hertzogrylaan gekry het, skei Emmarentia en Greenside.

Demografie[wysig | wysig bron]

Die voorstad, in die vorm van 'n agterstevoor sewe, beslaan vir sensusdoeleindes 3,81 km2 en het in 2011 'n inwonertal van 5 116 gehad van wie 41% wit was, 27% Indiërs en 26% swart.[1] Tien jaar vroeër was die bevolking in 'n ietwat groter gebied wat destyds ook die Johannesburgse Botaniese Tuin ingesluit het, 4 452, van wie 56,1% wit was, 28% swart en 13,4% Indies.[2] Engels was in albei gevalle die grootste huistaal, maar terwyl 60,2%[2] dit in 2001 as huistaal aangedui het, was dit in 2011 die huistaal van 67,2% van die inwoners. Afrikaans het teruggesak van die huistaal van 12,6%[2] van die inwoners in 2001 tot 10,2% in 2011.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. 1,0 1,1 1,2 1,3 1,4 "Subplek Emmarentia". Sensus 2011.
  2. 2,0 2,1 2,2 Subplek Emmarentia Sensus 2001.