Neil Patrick Harris

in Wikipedia, die vrye ensiklopedie
Jump to navigation Jump to search
Neil Patrick Harris
'n Beeld van die betrokke persoonlikheid.
Harris in Julie 2013.

Geboorte 15 Junie 1973 (1973-06-15) (46 jaar oud)
Aktiewe jare 1988-tans

Neil Patrick Harris (gebore op 15 Junie 1973)[1] is ’n Amerikaanse akteur, vervaardiger, komediant en TV-aanbieder. Hy is veral bekend vir sy rol as Barney Stinson in die TV-komediereeks How I Met Your Mother (2005–2014), waarvoor hy vir vier Emmys benoem is, en vir sy rol as die titelkarakter in Doogie Howser, M.D. (1989–1993).

Loopbaan[wysig | wysig bron]

Harris het sy loopbaan as ’n kinderakteur begin en is op ’n dramakamp deur die dramaturg Mark Medoff ontdek.[2] Medoff het hom later in die 1988-dramaprent Clara's Heart laat speel saam met Whoopi Goldberg. Hy is vir ’n Golden Globe benoem vir sy spel.

Harris (regs) in 2011 toe hy sy ster op die Hollywood Walk of Fame gekry het. By hom is sy man, David Burtka.

Sy eerste rol as volwassene was in Animal Room (1995), hoewel hy ’n tiener vertolk het. Hy het daarna byspelerrolle gehad in onder meer The Next Best Thing, Undercover Brother en Starship Troopers. In 2010 het hy die hoofrol gespeel in die onafhanklike komedie The Best and the Brightest.[3] Van sy ander prente sluit in The Smurfs (2011) en The Smurfs 2 (2013), asook Gone Girl (2014) saam met Ben Affleck.

Op 22 Februarie 2015 was Harris die aanbieder van die 87ste Oscar-toekenningsaand; hy was die eerste openlik gay man wat dit doen.[4][5] Hy het al verskeie prysaande aangebied, onder meer die Tonys (2009, 2011, 2012 en 2013), waarvoor hy verskeie spesiale Emmys gewen het,[6] en die Emmys (2009 en 2013).

Harris is in 2010 gelys as een van die tydskrif Time se 100 invloedrykste mense.[7]In 2014 was hy in die titelrol van die musiekspel Hedwig and the Angry Inch op Broadway, waarvoor hy ’n Tony gewen het.

Persoonlike lewe[wysig | wysig bron]

Harris het in November 2006 openlik erken hy is gay en is in September 2014 met sy lewensmaat van 10 jaar, David Burtka, getroud.[8][9][10] Die paartjie het ’n tweeling, Gideon Scott en Harper Grace, aan wie ’n surrogaatma op 12 Oktober 2010 die lewe geskenk het.[11]

Verwysings[wysig | wysig bron]

  1. "Neil Patrick Harris profile". TVGuide.com. Besoek op 5 Maart 2015.
  2. "Anytime with Bob Kushell feat. Neil Patrick Harris". Anytime with Bob Kushell. 1 Januarie 2009. No. 3, season 1. 
  3. "Neil Patrick Harris Lands Two Film Roles". TVguide.com. Besoek op 8 Junie 2009.
  4. Staff. "Neil Patrick Harris wows as Oscars host". Mobi.iafrica.com. Besoek op 2015-02-23.
  5. Gray, Tim (15 Oktober 2014). "Neil Patrick Harris to Host the Oscars". Variety. Besoek op 15 Oktober 2014.
  6. Mark Kennedy, AP Drama Writer (10 Junie 2013). "Neil Patrick Harris once again proves a Tony Awards host with 'fantastic instincts'". Minneapolis Star Tribune. Besoek op 10 Junie 2013.
  7. "The 2010 Time 100". Time. Besoek op 2 Oktober 2010.
  8. "They're married! Neil Patrick Harris weds partner of 10 years David Burtka during intimate ceremony in Italy". Dailymail.
  9. "Neil Patrick Harris dishes about his wedding day". CBS News.
  10. "Neil Patrick Harris Marries David Burtka". People. Besoek op 5 November 2015.
  11. Hartenstein, Meena (15 Augustus 2010). "Neil Patrick Harris to be dad to twins with fiancé David Burtka, actor announces on Twitter". New York Daily News. Besoek op 16 Augustus 2010.

Eksterne skakels[wysig | wysig bron]