Ob

in Wikipedia, die vrye ensiklopedie
Jump to navigation Jump to search
Ob
Die Ob in Nowosibirsk, Rusland
Die Ob in Nowosibirsk, Rusland
Ob watershed.png
Die stroomgebied van die Ob
Oorsprong Saamvloei van Bija en Katoen in Bijsk, Altai-krai, Rusland
Altai-gebergte
Monding Obdelta, Jamalo-Nenetsië, Rusland
Arktiese Oseaan
Stroomgebied Rusland
Lengte 3 650 km (2 270 myl)
Oorspronghoogte 2 300 m (7 500 voet)
Mondinghoogte 0 m (0 voet)
Gemiddelde afloop 12 475 m³/s (440 600 vt³/s)
Stroomgebiedopp. 2 972 497 km² (1 147 688 myl²)
Kaart van die Ob-bekken in Asië
Kaart van die Ob-bekken in Asië

Die Ob (Russies: Обь, [opʲ]) is ’n belangrike rivier in Wes-Siberië in Rusland wat saam met sy sytak die Irtisj een van die grootste rivierstelsels ter wêreld vorm (lengte: 5 410 km, stroomgebied: 2 975 000 km²). Dit vloei net deur Russiese grondgebied. Die Ob self is die vierde langste rivier in Rusland; van die oorsprong van die Irtisj tot by die mond van die Ob is dit die land se langste rivier. Dit het die langste riviermonding in die wêreld.

Name[wysig | wysig bron]

Nasa-Satellietbeeld van die Ob vlakby die monding in die Karasee
Nasa-Satellietbeeld van die Karasee met die mondings van die Jenisej- (links) en Ob-riviere (regs)

Die Ob word As, Jag, Kolta en Jema genoem deur die Chanti-volk, Kolta of Koeai deur die Nenets-volk en Oemar of Omar deur die Siberiese Tartare.

Geografie[wysig | wysig bron]

Albei bronriviere van die Ob, die Katoen en die Bija, ontspring in die Altai-gebergte. Van die stad Bijsk vloei die twee saam as die Ob, wat by Chanti-Mansiisk met die Irtisj saamvloei en daarna nog 1 162 km aflê na die Obboezem, die riviermonding aan die Karasee, waarin hulle uitmond.

Afgesien van die Irtisj is die belangrikste sytakke die Tom-, Tsjoelim-, Ket- Tim- en Wach-rivier. Nowosibirsk is die grootste stad aan die Ob. In die Siberiese Laagvlakte is Soergoet en Salechard die vernaamste stede.

Verwysings[wysig | wysig bron]

Hierdie artikel is merendeels vertaal vanaf die Nederlandse Wikipedia-artikel nl:Ob (rivier)

Eksterne skakels[wysig | wysig bron]