Odilo (Beiere)

in Wikipedia, die vrye ensiklopedie
Spring na: navigasie, soek

Hertog Odilo (* 700; † 18 Januarie 748) was van die jaar 736 tot en met sy dood Hertog van Bajuware in Beiere.

Die lewe[wysig | wysig bron]

Odilo is uit die Beierse Hertogsfamilie van die Agilolfinger gebore. "Die Hertog, onder wie se leiding die volk staan, was nog altyd uit die geslag van die Agilolfinger gewees, en dit moet dus ook so wees...", het die Beierse stamwet, die Lex Baiuvariorum bepaal.

In die jaar 736, het hertog Odolio die amp aangetree as die opvolger van Hugbert. Odilo verdeel Beiere in die jaar 739 in verskillende bisdomme. Die bisdomme van Regensburg, Freising, Passau en Salzburg is kerkregtelike gestig en hul grense is gedefinieer. In die jaar 742, trou Odilo met Hiltrud 'n dogter van die Frankiese Hausmeier Karl Martel, met wie se seuns, Karlmann en Pippin die Jonger in die volgende jaar (743) konflik ontstaan het. Odilo is verslaan in die slag van Epfach by Lech, het gevlug, en moes tydens die vredesonderhandelinge van 744 die Frankiese mag oor Beiere bevestig. Odilo het sy hertogdom behou. Later in dieselfde jaar, het Karlmann nog 'n strafekspedisie teen die Oos-Sakse gevoer, wat saam met Odilo geveg het.

Hertog Odilo is in die jaar 748 oorlede. Na sy dood, probeer Grifo vir Beiere van die mag van die Franke se ryk bevry. Saam met die hertog Swidger ontvoer hy die weduwee van Odilo en haar seun, die latere Tassilo III.

Pippin moes weer in die jaar 749, teen die Beierse stamhertogdom marsjeer. Na sy oorwinning is Odilo se seun, Tassilo III, gebore en in 741, onder die voogdyskap van sy moeder, Hiltrud, as sy pa se opvolger aangestel.

Odilo word beskou as die stigter van die kloosters van Benediktbeuern in die jaar 739, Niederaltaich (met Pirmin) in die jaar 741, en Mondsee in die jaar 748 in vandag se Opper-Oostenryk en nog 'n aantal ander kloosters.

Hertog Odilo is in die klooster te Gengenbach in die Ortenau-distrik, wat reeds in die jaar 727 deur Pirmin gestig is, begrawe.

Lex Baiuvariorum[wysig | wysig bron]

Hertog Odilo het ook opdrag gegee vir die skryf van die Lex Baiuvariorum, die Beierse stamwet. Die Lex Baiuvariorum is die oudste versameling van die wette van die hertogdom van die Beierse stam. Die teks is in Latyn geskryf.

Literatuur[wysig | wysig bron]

  • Benno Hubensteiner: Die Bayerische Geschichte. München 2009, ISBN 978-3-475-53756-1.
  • Wilhelm Störmer: Die Baiuwaren. Von der Völkerwanderung bis Tassilo III. 2. Auflage. Beck, München 2007, ISBN 978-3-406-47981-6.
  • Peter Landau: Die Lex Baiuvariorum. Entstehungszeit, Entstehungsort und Charakter von Bayerns ältester Rechts- und Geschichtsquelle. Verlag der Bayrischen Akademie der Wissenschaften, München 2004, ISBN 3-7696-1627-8.
  • Sigmund Ritter von Riezler: Oatilo. Allgemeine Deutsche Biographie. Band 24, Duncker & Humblot, Leipzig 1887, S. 83 f.
  • Jörg Jarnut: Odilo. Neue Deutsche Biographie. Band 19, Duncker & Humblot, Berlin 1999, ISBN 3-428-00200-8, S. 419 Digitalisat.