Ogaden

in Wikipedia, die vrye ensiklopedie
Jump to navigation Jump to search
Kaart van Ogaden.

Die Ogaden is 'n woestyngebied in Ethiopië.

Ligging en bewoners[wysig | wysig bron]

Hierdie gebied van ongeveer 200 000km2 is deel van die Horing van Afrika. Dit is in die suidooste van Ethiopië en grens aan Djibouti, Puntland, Somalië en Kenia. In die streek is die grootste dorpe Degeh Bur, Kelafo, Werder, Harer en Dire Dawa. Dit is 'n plato met 'n hoogte wat wissel van 1500m bo seevlak in die noordweste tot 'n 300m in die suide. Die Scebelirivier vloei suidooswaarts en mond uit by Mogadisjoe. Meer suid vloei die Genalerivier. Hierdie dunbevolkte landstreek word bewoon deur Somali-sprekende nomadiese stamme wat 'n bestaan voer as veeboere. Van die ontginning van die aanwesige gas- en oliereserwes in die bodem het nog nie veel gekom nie.

Geskiedenis[wysig | wysig bron]

Laat in die 19de eeu het Ethiopië sowel as Italië (die koloniale heerser in Somalië) op die gebied aanspraak gemaak. In 1896 het Ethiopië dit beset en sedertdien word die grens tussen Ethiopië en Somalië op landkaarte dikwels als onbepaald en omstrede aangedui. In die 1960’s het Somalië die gebied amptelik opgeëis en het dit by tye tot aanvalle deur guerillabendes gelei. In 1977- 1978 ontstaan 'n volskaalse oorlog om die gebied met Somalië te verenig. Weens hierdie oorlog en die droogte sterf duisende mense in die Ogaden-streek en 'n anderhalf miljoen mense vlug oor die grens na Somalië. Dit lei tot 'n groot humanitêre krisis en ernstige menseregteskendings. Onrus flikker periodiek nog op.

Bibliografie[wysig | wysig bron]

  • britannica.com