Oos-Mebon

in Wikipedia, die vrye ensiklopedie
Jump to navigation Jump to search
Oos-Mebon
Mebon Oriental, Angkor, Camboya, 2013-08-17, DD 05.JPG
Plaaslike naam  ប្រាសាទមេបុណ្យខាងកើត
Land Vlag van Kambodja Kambodja
Soort Hindoe-tempel
Streek Angkor
Geskiedenis
Stigter Rajendravarman
Gestig 10de eeu
Tydperk Middeleeue
Kulture Khmer-ryk

Die Oos-Mebon (Khmer: ប្រាសាទមេបុណ្យខាងកើត) is ’n 10de-eeuse tempel in Angkor, Kambodja. Dit is tydens die bewind van koning Rajendravarman gebou en staan op ’n kunsmatige eiland in die middel van die nou droë Oos-Baray.[1]:73–75[2]:116

Beskrywing[wysig | wysig bron]

Die Oos-Mebon was gewy aan die Hindoegod Shiva en is gebou ter ere van die koning se ouers. Die ligging van die tempel dui op die Khmer-argitektuur se aandag aan oriëntasie en windrigtings. Dit is gebou op ’n as van noord na suid met Rajendravarman se hooftempel, Pre Rup, sowat 1 200 m suid daarvan net buite die baray. Dit lê ook op ’n oos-wes-as met die paleistempel Phimeanakas, nog een van Rajendravarman se projekte, sowat 6 800 m wes daarvan.

Dit het dieselfde styl as Pre Rup; dit het twee omringende mure en drie vlakke. Die boumateriaal sluit in sandsteen, stene, lateriet en pleisterkalk. Heel bo is ’n sentrale toring op ’n vierkantige platform wat omring word deur vier kleiner torings by die platform se hoeke.

Die beelde by die Oos-Mebon is uiteenlopend en besonders – dit sluit olifante van twee meter hoog by hoeke van die eerste en tweede vlak in. Godsdienstonele sluit in die god Indra op sy olifant met drie koppe, Airavata, en Shiva op sy ryding, die heilige bul Nandi.

Besoekers wat van die boonste vlak af uitkyk, kan hulle die uitgestrekte waters voorstel wat die tempel voorheen omring het. Vier landingsplekke op die grondvlak herinner daaraan dat die tempel eens met bote bereik is.

Galery[wysig | wysig bron]

Hoofpoort
Hoofpoort  
’n Olifant wat waghou
’n Olifant wat waghou  
Nog ’n beeld van ’n olifant
Nog ’n beeld van ’n olifant  
Laer terras met die beeld van ’n olifant
Laer terras met die beeld van ’n olifant  
Latei wat Indra op Airavata uitbeeld
Latei wat Indra op Airavata uitbeeld  
Detail
Detail  
Trappe na die boonste terras en tempel
Trappe na die boonste terras en tempel  
Hooftempel
Hooftempel  
Binnekant van die tempel
Binnekant van die tempel  

Sien ook[wysig | wysig bron]

Verwysings[wysig | wysig bron]

  1. Higham, C., 2001, The Civilization of Angkor, London: Weidenfeld & Nicolson, ISBN 9781842125847
  2. Coedès, George (1968). Walter F. Vella, red. The Indianized States of Southeast Asia. trans.Susan Brown Cowing. University of Hawaii Press. ISBN 978-0-8248-0368-1. 

Ekstra bronne[wysig | wysig bron]

  • Freeman, Michael and Jacques, Claude. Ancient Angkor. River Books, 1999. ISBN 0-8348-0426-3.
  • Rooney, Dawn. Angkor. Airphoto International Ltd. 2002.

Eksterne skakels[wysig | wysig bron]

Koördinate: 13°26′48″N 103°55′12″O / 13.44667°N 103.92000°O / 13.44667; 103.92000