Orde van die Draak

in Wikipedia, die vrye ensiklopedie
Jump to navigation Jump to search
Die kenteken van die Orde van die Draak.

Die Orde van die Draak (Latyn: Societas Draconistarum, letterlik "Vereniging van die Drakoniste") was 'n monargistiese ridderlike orde net vir uitverkore adellikes en monarge.[1] Dit is in 1408 gestig deur Sigismund van Luxemburg, wat toe koning van Hongarye was en later keiser van die Heilige Romeinse Ryk geword het. Die orde was geskoei op die militêre ordes van die Kruisvaarders en het van sy lede geverg om die kruis te verdedig en teen die vyande van die Christendom, veral die Ottomaanse Ryk, te veg.

Die orde het in die eerste helfte van 15de eeu floreer, veral in Duitsland en Italië. Ná Sigismund se dood in 1437 het die belangrikheid van die orde in Wes-Europa afgeneem. Ná die val van Konstantinopel in 1453 het dit egter steeds 'n rol gespeel in Hongarye, Kroasië, Serwië, Roemenië en Albanië – lande wat besonder deur die Ottomane geteister is. Die woiwode (prins) van Walachye, Vlad II Dracul, die vader van Vlad Dracula, se bynaam kom van die Orde van die Draak af.

Verwysings[wysig | wysig bron]

  1. Florescu and McNally, Dracula, Prince of Many Faces. pp. 40–2.

Skakels[wysig | wysig bron]