Organiese sintese

in Wikipedia, die vrye ensiklopedie
Jump to navigation Jump to search

Organiese sintese is die vervaardiging van (dikwels nuwe) organiese molekule deur 'n chemiese reaksie of 'n reeks chemiese reaksies in die laboratorium.

Gewoonlik is die nuwe molekuul ingewikkelder en groter as wat as uitgangstowwe gebruik word.

Die organiese sintese is veral behep met 'n aantal vrae:

  • Is die gewensde produk stabiel genoeg dat dit vervaardig kan word?
  • Watter uitgangstowwe moet gebruik word om 'n produk te verkry?
  • Watter kondisies moet gebruik word? Temperatuur? Druk? Hoe lank moet dit reageer?
  • Watter produk is in die reaksie vervaardig?
  • Watter struktuur het die produk?
  • Hoe groot is die opbrengs van die reaksie?
  • Hoe kan die produk gesuiwer word?
  • Watter byprodukte word in die reaksie ook vervaardig?
  • Waarom kry ons hierdie produk en nie 'n ander nie?
  • Hoe kan ons dit verander? Byvoorbeeld deur 'n katalisator te gebruik?
  • Wat is die meganisme van die reaksie? Hoe reageer die molekule presies?
  • Watter eienskappe het die nuwe produk?

Suiwering en suiwerheid[wysig | wysig bron]

Daar word gewoonlik in 'n sintesereaksie 'n mengsel van stowwe gevorm en hierdie mengsel is gewoonlik 'n oplossing in 'n geskikte oplosmiddel. Daar is talle metodes om die gewensde stof te suiwer, soos:

  • Verdamping van die oplosmiddel.
  • Distillasie van die produk, indien dit vlugtig genoeg is.
  • Herkristallisering

Daar is ook metodes vir suiwerheidsbepaling.