Osorkon II

in Wikipedia, die vrye ensiklopedie
Jump to navigation Jump to search
Osorkon II
Oesermaatre Setepenamen
’n Gelukbringer met die cartouche van Osorkon II.
’n Gelukbringer met die cartouche van Osorkon II.
Farao van die 22ste Dinastie
Periode 872-837 v.C.
Voorganger Takelot I
Opvolger Sjesjonk III
Oorlede 837 v.C.
Osorkon II in Egiptiese hiërogliewe
Praenomen of troonnaam
M23
t
L2
t
Hiero Ca1.svg
raF12H6imn
n
stp
n
Hiero Ca2.svg
Nomen of geboortenaam
G39N5
 
Hiero Ca1.svg
imn
n
N36
V4Aa18M17D21
N29
N35
Hiero Ca2.svg
Portaal  Portaalicoon   Antieke Egipte

Oesermaatre Setepenamen Osorkon II was ’n farao van die 22ste Dinastie van Antieke Egipte. Hy was een van die Libiese Berber-konings en het van omstreeks 872 tot 837 v.C. vanaf Tanis regeer. Nadat hy sy pa opgevolg het, het sy neef Harsiese A van Thebe en die Westelike Oase meegeding om die mag. Hy is egter in 860 v.C. dood en Osorkon het toe voorkom dat iemand weer sy bewind bedreig deur sy seun Nimlot C as hoëpriester van Amoen in Thebe aan te stel. Dit het sy mag oor Bo-Egipte gekonsolideer sodat hy nou oor ’n herenigde Egipte regeer het.

Bewind[wysig | wysig bron]

Die binnekant van Osorkon II se grafkelder.

Osorkon II se bewind was een van groot bouprojekte en vooruitgang. Hy het groot bedrae bestee aan monumente soos die tempel van Bastet by Boebastis, asook geboue in Thebe, Memphis, Tanis en Leontopolis. Hy het ook Tempel J by Karnak laat bou – dié is versier deur sy destydse hoëpriester, sy kleinseun Takelot F (die toekomstige Takelot II).

Osorkon II was noodgedwonge aggressief in sy buitelandse beleid. Die groeiende mag van Assirië het daartoe gelei dat laasgenoemde streek al hoe meer begin inmeng het in die sake van Israel en Sirië, wat albei binne Egipte se invloedsfeer geleë was. In 853 v.C het Osorkon se magte, saam met dié van Israel en Bublos, die uitbreiding van Assirië vir ’n ruk gestuit.

Osorkon II is omstreeks 837 v.C dood en is by Tanis begrawe. Daar word nou geglo hy het altesaam 30 jaar regeer en nie 25 nie. Eers is gedink die viering van sy eerste Sed-fees (die herdenking van ’n bewind van 30 jaar of meer) is in sy 22ste bewindsjaar gehou, maar die datum in sy groot tempel by Boebastis is beskadig en kan ook Jaar 30 wees, volgens Edward Wente.[1]

Grafkelder[wysig | wysig bron]

Die Franse Egiptoloog Pierre Montet het Osorkon II se beskadigde grafkelder op 27 Februarie 1939 ontdek. Dit het onthul dat Osorkon in ’n enorme granietsarkofaag begrawe is met ’n deksel wat gekap is uit ’n standbeeld uit die Ramses-era. Net ’n paar stukke van ’n kis met die uitbeelding van ’n valk by die kopenent en ’n paar begrafnisflesse is gevind om hom te identifiseer.[2]

Hoewel die graf in antieke tye geplunder is, was die juweliersware wat oor was, "van so ’n hoë gehalte dat menings oor die rykdom van die noordelike 22ste Dinastie hersien moes word".[3]

Verwysings[wysig | wysig bron]

  1. Edward Wente, Review of Kenneth Kitchen's The Third Intermediate Period in Egypt c.1100-650 BC, JNES 35(1976), ble. 275-278
  2. San el-Hagar
  3. Bob Brier, Egyptian Mummies: Unravelling the Secrets of an Ancient Art, William Morrow & Company Inc., New York, 1994. p.144