Passaatwind

in Wikipedia, die vrye ensiklopedie
Jump to navigation Jump to search
Die westewindgordels (blou pyle) en passaatwinde (geel en bruin pyle).

Die passaatwinde is oostewinde wat in die trope voorkom binne die laer deel van die aarde se atmosfeer naby die ewenaar. Die winde waai hoofsaaklik uit die noordooste in die Noordelike Halfrond en uit die suidooste in die Suidelike Halfrond, en word sterker in die winter en wanneer die Arktiese ossillasie in sy warm fase is. Die winde is eeue lank deur die kapteins van seilskepe gebruik om oor die oseane te vaar en het bygedra tot koloniale uitbreiding na die Amerikas en die vestiging van handelsroetes in die Atlantiese en Stille Oseaan.

In meteorologie sorg die passaatwinde vir tropiese storms oor die Atlantiese, Stille en suidelike Indiese Oseaan en waai dit oor land in onderskeidelik Noord-Amerika, Suidoos-Asië, en Madagaskar en Oos-Afrika. Dit waai ook stof weswaarts oor die Atlantiese Oseaan na die Karibiese See en dele van suidoostelike Noord-Amerika. Vlak cumuluswolke kan in passaatwindstelsels gesien word. Hoe swakker die passaatwinde word, hoe groter reënval kan oor naburige landmassas verwag word.

Eksterne skakels[wysig | wysig bron]