Paul-Émile Lecoq de Boisbaudran

in Wikipedia, die vrye ensiklopedie
Jump to navigation Jump to search
Paul-Émile Lecoq de Boisbaudran
Lecoq de Boisbaudran.jpg
Gebore (1838-04-18)18 April 1838
Cognac, Frankryk
Oorlede 28 Mei 1912 (op 74)
Parys, Frankryk
Nasionaliteit Vlag van Frankryk Frankryk
Vakgebied Chemie, spektroskopie
Bekend vir Die ontdekking van gallium, samarium en disprosium
Toekennings Davy-medalje (1879)

Paul-Émile Lecoq de Boisbaudran (18 April 1838 – 28 Mei 1912) was 'n Franse chemikus.

Hy is bekend vanweë sy ontdekking van die chemiese elemente gallium, samarium en disprosium. Hy het veral bydraes aan die spektroskopie gelewer.[1] Hy is ook die eerste wat besef het dat argon tot 'n aparte groep elemente behoort, wat later edelgasse genoem sou word.[2]

Hy stam uit die adellike geslag van die Boisbaudran en het eers in die wynbesigheid van sy familie gewerk. Hy is in Cognac in die Hôtel Templéreau de Beauché, sy voorsate se tuiste, gebore. Hy was die oudste kind en enigste seun van Paul-Aimé Boubaudran Lecoq en Anne-Louise-Alexandrine Joubert. Hy het geen opleiding in chemie ontvang nie, maar het in sy tuislaboratorium gewerk en daar drie nuwe elemente ontdek. Behalwe sy vriend sir William Ramsay is hy relatief onbekend in die wetenskaplike wêreld, veral in die buiteland.

In 1897 trou hy met Jeannette Nadault-Valette. Hulle was gelukkig, maar die huwelik het nie lank geduur nie. In 1900 kry hy gesondheidsprobleme en sy artritis maak dit onmoontlik om aktief te bly. Hy sterf in 1912 sonder nasate, hy was 74 jaar oud.

Verwysings[wysig | wysig bron]

  1. chrul.dk.
  2. The Lost Elements: The Periodic Table's Shadow Side Marco Fontani, Mariagrazia Costa, Mary Virginia Orna, Oxford University Press, 2014, ISBN 0-19-938335-9, ISBN 978-0-19-938335-1