Peka
Peka | |
|---|---|
 Peka volgens die Promptuarii Iconum Insigniorum | |
| Gebore | |
| Nasionaliteit | Israeliet |
| Beroep | koning van Israel |
| Termyn | 737-732 v.C. |
| Voorganger | Pekahia |
| Opvolger | Hosea |
| Ouer(s) | Remaljahu |
Peka (Hebreeus: פקח vir "met oop oë") was die koning van die koninkryk van Israel tussen die jare 737 v.C. tot 732 v.C. Hy was die seun van Remaljahu en word koning nadat hy, met behulp van vyftig manne uit Gilead, sy voorganger Pekahia vermoor het (2 Konings 15:25-27). Tydens die heerskappy van Peka val die Assiriese koning Tiglat-Pileser III Israel binne en beset hy verskeie stede in die noorde van die land. Die Assiriese koning voer ook ´n groep Israeliete as ballinge mee na Assirië. In 2 Konings 15: 29-31 word genoem dat Hosea hierna teen Peka saamgesweer het en dat Peka doodgemaak is. In die inskripsies van koning Tiglat-Pileser word melding gemaak van die oorlog teen Israel en daar word aanspraak gemaak dat die Assiriese koning persoonlik vir Peka afgesit en met Hosea vervang het.
Verwysings in die Bybel
[wysig | wysig bron]2 Konings 15: 25-31
Literatuur
[wysig | wysig bron]- Die Bybel (1953-Vertaling)
- Reinecker, Fritz: Lexikon zur Bibel. R. Brockhaus Verlag, Wuppertal 1981. ISBN 3-417-24528-1
