Petroesjka

in Wikipedia, die vrye ensiklopedie
Jump to navigation Jump to search
Petroesjka in poppekasteater.
Die grafsteen van Vaslav Nijinsky in Parys. Dit beeld Nijinsky as Petroesjka uit.

Petroesjka (Russies: Петру́шка, IFA: /pʲɪtˈruʂkə/, ) is ’n Russiese poppekaskarakter wat al sedert die 17de eeu bekend is. Petroesjkas is as handskoenpoppe of marionette gebruik. Hy is tradisioneel ’n soort grapjas met rooi klere en ’n punthoed, en dikwels ’n lang neus.

Etimologie[wysig | wysig bron]

Hoewel die Russiese homoniem van petroesjka pietersielie beteken, is die karakter se naam ’n verkleiningsvorm van die naam Pjotr (Pieter).

Geskiedenis[wysig | wysig bron]

Keiserin Anna van Rusland se hofnar Pietro-Mira Pedrillo van Italië het as prototipe vir Petroesjka gedien. Daar was ’n paar basiese storielyne: die mediese behandeling van Petroesjka, hy as soldaat, ’n toneel met sy bruid en die koop van ’n perd.

Hy was aanvanklik ’n karakter van tipiese klugspele wat op volwasse gehore gemik was. As poppekaskarakter wat hoofsaaklik kinders vermaak het, het hy minder vulgêr en aggressief geraak. In die Sowjetunie is hy dikwels in propaganda gebruik, waar hy arm boere verdedig en die rykes aangeval het.[1]

Die Russiese Kinderwelsynvereniging hou ’n jaarlikse Petroesjka-bal, met as tema die karakter wat verlief raak op ’n grasieuse ballerina.[2]

Verwysings[wysig | wysig bron]

  1. Richard Pipes, Russia Under the Bolshevik Regime, p. 305, ISBN 978-0-394-50242-7
  2. RCWS.org

Eksterne skakels[wysig | wysig bron]