Poef (meubelstuk)

in Wikipedia, die vrye ensiklopedie
Jump to navigation Jump to search
'n Poef

'n Poef (of sitsak) is 'n opgestopte lae vloerkussing wat as sitplek of rusplek vir die voete dien. Poewe bestaan uit 'n oortreksel van plastiek of materiaal wat met saagsels, bone of 'n ander vulsel opgestop is. Die poef neem die vorm van die liggaam aan wat dit 'n gemaklike gevoel gee. Dit bied egter nie voldoende rugsteun nie en langdurige gebruik kan tot rugprobleme lei. Die tipe vulsel wat gebruik word kan soms hinderlike klanke produseer as die gebruiker van posisie verander.

Die woord poef is uit Frans afgelei (un pouf) en is 'n voorbeeld van onomatopee (klanknabootsing).[1]

'n Poef

Die eerste poef, genaamd die Sacco, is deur die Italiane Piero Gatti (1940), Cesare Paolini (1937) en Franco Teodoro (1939) ontwerp. Die eerste Sacco's is in 1968 deur Zanotto in Milaan geproduseer. Die meubelstuk, met sy onkonvensionele en ongekompliseerde vorm, is veral in die jare sewentig as 'n simbool van binnenshuise mode beskou.

Sien ook[wysig | wysig bron]

  • Ottoman, 'n lae sofa (rusbank) sonder leuning.

Verwysings[wysig | wysig bron]

  1. Poef (Zitkussen), etymologiebank.nl, geraadpleeg op 10 September 2014

Eksterne skakels[wysig | wysig bron]