Portaal:Krieket/Hede
Krieket in 2025 – van die hoogtepunte sluit in die Kampioenetrofee 2025, die Wêreldtoetskampioenskap-eindstryd, die Vrouekrieketwêreldbeker 2025 en die T20I-wêreldbeker 2026-kwalifisering.
- 2 Februarie – Indië wen die eindstryd van die o/19-T20I-vrouewêreldbeker teen Suid-Afrika met nege paaltjies en palm sodoende hul tweede agtereenvolgende titel in. Australië en Engeland was die ander twee semi-finaliste.
- 19 Februarie–9 Maart – Indië wen die eindwedstryd van die negende Kampioenetrofeetoernooi teen Nieu-Seeland met vier paaltjies en palm sodoende hul derde titel in. Australië en Suid-Afrika was die ander twee semi-finaliste.
- 11–14 Junie – Suid-Afrika verslaan Australië met vyf paaltjies in die eindstryd van die derde Wêreldtoetskampioenskap op Lord’s in Londen.
- 15–22 Junie – Kanada bespreek die Amerikaanse plek vir die T20I-wêreldbeker 2026 in Indië en Sri Lanka, hul tweede agtereenvolgende T20I-wêreldbekerdeelname.
- 5–11 Julie – Italië en Nederland bespreek die Europese plekke vir die T20I-wêreldbeker 2026, vir Italië is dit hul eerste deelname aan ’n krieket- of T20I-wêreldbekertoernooi ooit.
- 26 September–4 Oktober – Namibië en Zimbabwe bespreek die Afrikaplekke vir die T20I-wêreldbeker 2026, waarmee dié twee Suider-Afrikaanse spanne saam met Suid-Afrika aan die toernooi deelneem.
- 30 September–2 November – In die eindstryd van die 13de Vrouekrieketwêreldbekertoernooi op die DY Patil-stadion in Navi Mumbai verslaan die medegasheer Indië Suid-Afrika met 52 lopies en palm sodoende sy eerste vrouekrieketwêreldbekertitel in. Die verdedigende kampioen Australië en Engeland was die ander twee semi-finaliste.
- 8–17 Oktober – Nepal, Oman en die Verenigde Arabiese Emirate bespreek die Asië-Stille-Oseaan-plekke vir die T20I-wêreldbeker 2026, waarmee vir die eerste keer agt spanne uit Asië aan ’n internationale kriekettoernooi deelneem.