Punta del Este

in Wikipedia, die vrye ensiklopedie
Spring na: navigasie, soek

Punta del Este
Punta del este1.jpg

Kaart Wapen
Punta del EsteDOT.PNG
Vlag
 Land Flag of Uruguay.svg Uruguay
 Koördinate 34°58′S 54°57′W
 Stigting 1829
 Oppervlakte:  
 - Totaal 67 vk km
 Hoogte bo seevlak 0 m
 Bevolking:  
 - Totaal (sensus 2009) 19 263
 - Metropolitaanse gebied (2009) 100 000+
 - Bevolkingsdigtheid 287,5/vk km
 Tydsone UTC -3
 Klimaat  
 - Tipe Gematigde seeklimaat
 - Gemiddelde jaarlikse temperatuur 16,3 °C
 - Gem. temp. Januarie/Julie 21,5 / 11,4 °C
 - Gemiddelde jaarlikse neerslae 938 mm
 Burgemeester Martin Laventure (NP)
 Amptelike Webwerf maldonado.gub.uy

Punta del Este is die gewildste vakansieoord van Uruguay (Suid-Amerika), sowat 145 km oos van die hoofstad Montevideo, met 'n bevolking van 19 263 in 2009.

Teen die begin van die 19de eeu was die gebied van Punta del Este nog 'n half verlate streek wat net deur vissers en seemanne aangedoen word.

Die Isla Gorriti, soos gesien vanuit die skiereiland

Danksy die ligging op 'n skiereiland wat die waters van die Río de la Plata en die Atlantiese Oseaan van mekaar skei, met 40 km se wit strande, natuurparke en bosgebiede in die omgewing, ontwikkel Punta del Este tot een van die grootste en bekendste strandoorde in Suid-Amerika wat jaarliks honderdduisende binne- en buitelandse toeriste lok.

Punta del Este, met 'n stadshorison wat deur talle wolkekrabbers oorheers word, beskik oor 'n eersterangse infrastruktuur met twee lughawens, 'n plesierboothawe wat sowat 500 jagte kan akkommodeer, meer as 100 hotelle en 80 restourante, kasino's, diskoteke en ander geriewe. Die belastingwetgewing van Uruguay het van die stad ook 'n internasionale finansiële sentrum gemaak, wat beleggers van dwarsoor die wêreld lok.

Punta Ballena, naby die stad, is 'n uitstekende uitkykplek om walvisse te sien. Die eilande Isla Gorriti en Isla de Lobos is die tuiste van 'n groot kolonie seeleeus.