Río de la Plata

in Wikipedia, die vrye ensiklopedie
Spring na: navigasie, soek
Río de la Plata
Nasa-Satellietbeeld van die Río de la Plata. Links bo is Montevideo, Uruguay en regs onderkant is Buenos Aires, Argentinië.
Nasa-Satellietbeeld van die Río de la Plata. Links bo is Montevideo, Uruguay en regs onderkant is Buenos Aires, Argentinië.
Plata buenos aires montevideo map.PNG
Kaart van die Río de la Plata.
Oorsprong Saamvloei van Río Paraná en Río Uruguay naby Buenos Aires, Argentinië
Monding Argentynse Meer, Argentinië en Uruguay
(Atlantiese Oseaan)
Stroomgebied Argentinië en Uruguay
Lengte 290 km (180 myl)[1]
Oorspronghoogte 0 m (0 voet)
Mondinghoogte 0 m (0 voet)
Gemiddelde afloop 22 000 m³/s (777 000 ft³/s)[1]
Stroomgebiedopp. 3 170 000 km² (1 224 000 myl²)[2]
Kaart van die Río de la Plata-bekken in Suid-Amerika.
Kaart van die Río de la Plata-bekken in Suid-Amerika.

Die Río de la Plata (Spaans: [ˈri.o ðe la ˈplata], letterlik "Silwerrivier") is 'n estuarium (breë riviermonding) waar die Río Paraná en Río Uruguay in die Atlantiese Oseaan vloei. Dit vorm die karakteristieke suidoostelike inkeping in die Suid-Amerikaanse kuslyn. Die monding is in totaal 290 kilometer lank. Waar die twee riviere ontmoet is die rivier 48 kilometer breed; by die oseaan neem dit tot 220 kilometer toe, wat die Río de la Plata die breedste rivier ter wêreld maak.[3]

Die Spaanse seevaarder, Juan Díaz de Solís, was die eerste Europeër wat die Río de la Plata besoek het. Hy het dit teëgekom toe hy van die Brasiliaanse kus na die suide gevaar het. Hy het gedag dis 'n seearm waarvan die water op onverklaarbare manier soet was. Hy noem dié see Mar Dulce ("die Soete See"). Omdat sy karvele vlak bodems gehad het kon hy die rivier opvaar.

Die estuarium vorm gedeeltelik die natuurlike grens tussen Argentinië en Uruguay. Die hoofstede van Argentinië, Buenos Aires en die van Uruguay, Montevideo lê aan die Río de la Plata. Die eiland Martín García voor die kus van Uruguay is Argentyns.

Tydens die Tweede Wêreldoorlog is die Duitse dwergslagskip, die Admiral Graf Spee, hier deur sy bemanning gesink.

Sien ook[wysig | wysig bron]

Verwysings[wysig | wysig bron]

  1. 1,0 1,1 (en) "Río de la Plata". Encyclopædia Britannica. Verkry op 17 Mei 2015. 
  2. (en) Raúl A. Guerrero et al. (June 1997). “Physical oceanography of the Río de la Plata Estuary, Argentina”. Continental Shelf Research 17 (7): 727–742. doi:10.1016/S0278-4343(96)00061-1.
  3. (en) Fossati, Monica; Ismael Piedra-Cueva. "Salinity Simulations of the Rio de la Plata" (PDF). International Conference on Estuaries and Coasts. Verkry op 17 Mei 2015. 

Eksterne skakels[wysig | wysig bron]

Koördinate: 34°30′0″S 58°10′0″W / 34.50000°S 58.16667°W / -34.50000; -58.16667