Ramones

in Wikipedia, die vrye ensiklopedie
Spring na: navigasie, soek
Ramones
Ramones 30081980 10 800.jpg
Ramones in Oslo (Noorweë) op 30 Augustus 1980
Oorsprong Forest Hills, Queens, New York Stad, New York (VSA)
Genre(s) Punkrock
Aktiewe jare 1974 — 1996
Uitgewer(s) Sire, Philips, Beggars Banquet, Radioactive, Chrysalis
Gewese lede Dee Dee Ramone
Johnny Ramone
Joey Ramone
Tommy Ramone
Marky Ramone
Richie Ramone
Elvis Ramone (Clem Burke)
C. J. Ramone
Assosiasies Tangerine Puppets, Sniper, Bad Chopper, Los Gusanos, Dust, The Voidoids, Blondie, Uncle Monk, Misfits, Osaka Popstar
Portal.svg Musiekportaal

Ramones is 'n Amerikaanse rockgroep wat gewoonlik ook as die eerste punkgroep geag word.[1][2] Die groep is in 1974 in Forest Hills, Queens, New York Stad, New York, VSA gestig. Al die lede het pseudonieme aangeneem wat met die van "Ramone" eindig. Hulle het 2 263 konserte in 'n virtueel aaneenlopende musiektoer van 22 jaar opgevoer.[2] In 1996, nadat hulle met die Lollapalooza-musiekfees getoer het, het die groep 'n vaarwelkonsert opgevoer en ontbind.[3] Net meer as agt jaar ná die groep se ontbinding het die groep se drie stigterslede — voorsanger Joey Ramone, kitaarspeler Johnny Ramone, en baskitaarspeler Dee Dee Ramone — almal al die tydelike met die ewige verwissel.[4][5][6]

Ramones het 'n geweldige invloed op die punkrockbeweging in beide die Verenigde State en die Verenigde Koninkryk gehad, alhoewel hulle weinig kommersiële sukses bereik het. Die groep se enigste plaat met genoeg verkope in die VSA om as goud gesertifiseer te word, was die versamelalbum Ramones Mania.[7] Erkenning van die groep se belangrikheid het oor die jare opgebou en vandag word die groep in vele assesserings van invloedryke rockmusiek gemeld, soos die Rolling Stone-tydskrif se lys 50 Greatest Artists of All Time[8] en VH1 se 100 Greatest Artists of Hard Rock.[9] In 2002 is Ramones deur Spin-tydskrif as die tweede invloedrykste musiekgroep ooit aangewys, met The Beatles in die eersteplek.[10] Op 18 Maart 2002 is Ramones in die Rock and Roll Hall of Fame opgeneem.[2][11]

Diskografie[wysig]

  • Ramones (1976)
  • Leave Home (1977)
  • Rocket to Russia (1977)
  • Road to Ruin (1978)
  • End of the Century (1980)
  • Pleasant Dreams (1981)
  • Subterranean Jungle (1983)
  • Too Tough to Die (1984)
  • Animal Boy (1986)
  • Halfway to Sanity (1987)
  • Brain Drain (1989)
  • Mondo Bizarro (1992)
  • Acid Eaters (1993)
  • ¡Adios Amigos! (1995)

Verwysings[wysig]

  1. The Ramones”. MTV. URL besoek op 5 November 2009.
  2. 2,0 2,1 2,2 Ramones”. Rock and Roll Hall of Fame + Museum: September 15, 2004 (last update). URL besoek op 5 November 2009.
  3. Schinder (2007), pp. 559–560.
  4. Powers, Ann (April 17, 2001). “Joey Ramone, Raw-Voiced Pioneer of Punk Rock, Dies at 49”. New York Times. URL besoek op 3 November 2009.
  5. Pareles, Jon (June 7, 2002). “Dee Dee Ramone, Pioneer Punk Rocker, Dies at 50”. New York Times. URL besoek op 3 November 2009.
  6. Sisario, Ben (September 16, 2004). “Johnny Ramone, Signal Guitarist for the Ramones, Dies at 55”. New York Times. URL besoek op 3 November 2009.
  7. Schinder (2007), p. 556; Prato, Greg. “Ramones Mania Vol. 2”. Allmusic. URL besoek op 5 November 2009.
  8. The Immortals: The First Fifty”. Rolling Stone. URL besoek op 5 November 2009.
  9. 100 Greatest Artists of Hard Rock”. VH1. URL besoek op 5 November 2009.
  10. 50 Greatest Bands Of All Time”. Spin. February 2002. URL besoek op 5 November 2009.
  11. Vineyard, Jennifer (March 19, 2002). “Vedder Rambles, Green Day Scramble As Ramones Enter Hall”. VH1. URL besoek op 5 November 2009.