Randall Wicomb
Randall Wicomb | |
|---|---|
| Geboortenaam | Randall Charles Wicomb |
| Gebore | 26 November 1945[1][2] Kaapstad, Suid-Afrika |
| Sterf | 27 Desember 2015 (op 70) Stellenbosch, Suid-Afrika |
| Beroep(e) | Sanger |
| Instrumente | Stem, kitaar, klavier |
Randall Charles Wicomb (26 November 1945 - 27 Desember 2015)[1][2] was 'n Afrikaanse sanger en driemalige wenner van die ATKV se Crescendo-sangkompetisie (1975, 1976 en 1977).
Lewensgeskiedenis
[wysig | wysig bron]Hy voltooi sy skoolloopbaan aan die Hoërskool Jan van Riebeeck in Kaapstad. Na skool doen hy militêre opleiding in die valskermbrigade. Hy behaal die graad B.Sc Honneurs (Ekologie) aan die Universiteit van Stellenbosch, waarna hy kortstondig klasgee aan die Hoërskool Durbanville en Paul Roos Gimnasium op Stellenbosch.
Hierna bekwaam hy homself as kopersmid by Pieter van Dijk se ateljees in Kaapstad waarna hy volwaardige kopersmidwerk as kuns en opdragwerk beoefen. Hy was ook 'n ywerige antieke glasbottel-/artefakteversamelaar en het ook metaalverklikkeropsporing as stokperdjie beoefen.
Uit sy huwelik met Koba is drie kinders gebore en sy en die drie kinders Pierre-Henri, Saskia en Kobâ het as hele gesin gesamentlik of indiwidueel saam met hom opgetree.
Siekte en afsterwe
[wysig | wysig bron]In 2013 word prostaatkanker by hom gediagnoseer.[3] Sy lewensverhaal, getiteld "Kleur – my lewe, my lied", is deur die bekende Pretoriase uroloog, dokter Amos van der Merwe, geskryf.[3]
Op 27 Desember 2015, as gevolg van die kanker, sterf Wicomb omstreeks 03:45 in sy huis te Stellenbosch.[4]
Diskografie
[wysig | wysig bron]- Kalaharikrismis
- Hie Langes My
- Oos Wes, Tuis Bes, 16 gedigte van ADAM SMALL met toonsettings deur Randall Wicomb
- Die Blink Vosperd
- Griekwa Psalms
- Hie Neffens My
- Uiteindelik
- Die Rooi Rok
- Hiep-Hiep-Hoera!
- Hartland
- Die boerklong se baadtjie staan punt in die wind
- Sê Dit
- Die boerklong se baadjie staan punt in die wind, kasset
- Kleur
Sien ook
[wysig | wysig bron]Verwysings
[wysig | wysig bron]- 1 2 "South Africa, Church of the Province of South Africa, Parish Registers, 1801-2004" [Suid-Afrika, kerk van die provinsie van Suid-Afrika, gemeenteregisters, 1801-2004]. FamilySearch (in Engels). 14 April 1946.
- 1 2 Francis, Lynnette (4 Januarie 2016). "Randall is nou in die Jirre se skylte" [Randall is nou in die Here se skuilte]. Die Son (in Kaaps).
{{cite web}}: AS1-onderhoud: onerkende taal (link) - 1 2 As gasspreker op "Ontbytsake" deur kykNET. 21 November 2015.
- ↑ Randall Wicomb sterf Geargiveer 29 Desember 2015 op Wayback Machine, Netwerk24, besoek op 27 Desember 2015.
Eksterne skakels
[wysig | wysig bron]- Randall Wicomb se amptelike webtuiste Geargiveer 23 Maart 2016 op Wayback Machine
- Snoektyd in die Kaap op YouTube
- Dans Met die Rooi Rok op YouTube
| Internasionaal | |
|---|---|
| Nasionaal | |
