Riversdal (kiesafdeling)

P.K. le Roux was van April 1942 tot net voor die verkiesing van 1943 Riversdal se laaste Volksraadslid, want die kiesafdeling is met die herafbakening afgeskaf.

Riversdal was van die eerste algemene verkiesing in 1910 ná Uniewording 'n kiesafdeling vir die Suid-Afrikaanse Volksraad en die Kaaplandse Provinsiale Raad.

In die eerste algemene verkiesing word die Regerende Party se A.I. Vincent onbestrede verkies. In 1915, toe hy as kandidaat van die Suid-Afrikaanse Party staan, verenig hy 1 740 stemme op hom vergeleke met die Nasionale Party kandidaat, J.F. Badenhorst, se 1 315, vir 'n meerderheid van 425. Vincent staan nie weer in 1920 se verkiesing nie, maar nou behaal die S.A.P. se J.F. van Wyk 'n meerderheid van net 44 stemme bo die N.P. se Badenhorst. In 1921 is dit egter die N.P. se A.L. Badenhorst (met 1 708 stemme) wat die eerste keer vir die party in Riversdal wen - met 'n meerderheid van net een stem teen die S.A.P. se J.J. Michau.

In 1924 is dit weer die S.A.P. se Van Wyk wat teen Badenhorst staan en nou met 223 stemme verloor. Badenhorst wen ook in 1929, toe hy 323 stemme meer as die S.A.P. se G.R. Hofmeyr op hom verenig. Badenhorst wen in 1933 die vierde keer in Riversdal toe hy 1 223 stemme meer as die onafhanklike E. Morrison kry. Badenhorst se meerderheid krimp in 1938 teen die Verenigde Party se A.L.D. van Wyk tot 1 069 stemme, maar dit was sy laaste verkiesing, wat hy sterf op 12 Januarie 1942.

In die tussenverkiesing op 23 April 1942 wen die latere minister P.K. le Roux Riversdal vir oulaas vir die Nasionale Party, want tydens die herafbakening met die oog op die 1943-verkiesing word Riversdal afgeskaf.

Verkiesingsuitslae

Verkiesingsuitslae vir die kiesafdeling:

Jaar	SAP	NP	Onafhanklik	VP	Meerderheid stemme	Persentasie stemme uitgebring
1910	A.I. Vincent (onbestrede)				Onbestrede (SAP)
1915	A.I. Vincent 1740	J.F. Badenhorst 1315			425 (SAP)	90,7
1918 Tussenverkiesing	H.O. Meyer 1577	J.F. Badenhorst 1486			91 (SAP)	82,2
1920	J.F. van Wyk 1734	J.F. Badenhorst 1690			44 (SAP)	91,5
1921	J.J. Michau 1707	A.L. Badenhorst 1708			1 (NP)	86,8
1924	J.F. van Wyk 1735	A.L. Badenhorst 1958			223 (NP)	94,3
1929	G.R. Hofmeyr 1446	A.L. Badenhorst 1769			323 (NP)	91,8
1933		A.L. Badenhorst 3040	E. Morrison 1817		1223 (NP)	74,8
1938		A.L. Badenhorst 3589		A.L.D. van Wyk 2520	1069 (NP)	93,5

Sien ook

Bredasdorp, Caledon, Ceres, Clanwilliam, Helderberg, Hottentots-Holland, Malmesbury, Moorreesburg, Paarl, Piketberg, Stellenbosch, Swellendam, Valsbaai, Wellington, Worcester

Bronne

• Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
• Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.
• Van Rooyen, Jan J. 1956. Die Nasionale Party. Sy Opkoms en Oorwinning – Kaapland se Aandeel. Kaapstad: Hoofraad van die Kaaplandse Nasionale Party.